Pudder og nypreppa på Ørskogfjellet

20. januar Sakte men sikkert kjem formen seg etter influensa. Kortare turar i enkelt terreng er oppskrifta. Endeleg ein søndag med sol, skyfri himmel og avtale med Synnøve. Dette var første gongen min på ski inn til Jutevatnet. Eg må innrømme at det var lekkert å ha kjensla av høgfjell tvert ein går ut av bilen. Det var fine løyper og vakker natur innpakka i 10-12 kalde grader. På heimveg såg vi ein fyr gå opp lia, og han la sporet så fint i slake bautar oppover. Vi hadde nok ikkje orka å trakke spor i terrenget sjølv, i alle fall ikkje eg. Men då sporet låg der vart freistinga for stor! Med blå ekstra under skia hadde vi nok feste og kom oss på namnlaus topp på 750 moh. Det var aldeles lekkert! Med 30 cm pudder var det enkelt og gøy å stå nedover bakkane att på turskia.

Karakteristiske Trolltinden på Ørskogfjellet 

Vi møtte preppemaskina - meir nypreppa enn dette vert det ikkje! (Foto: Synnøve)

Jutevatnet! Utsikt i retning Daugstadsetra og fjellrekka som vi har vore på før

 

Oppover i lia på perfekt lagt skispor. Hare og rev hadde vore ute om natta. 

Utsikta frå namnlaustoppen på 750 moh

 

#fødtmedskipåbeina 

Totalt 14 km og ca 430 høgdemeter    

Januarsurf på Blimsanden

12.01 Nytt år - ny influensa. Skjelven, men sosialt underernært og sugen på frisk luft vart eg med på padling. Det hadde vore ruskete og nordleg ver og vi for ut på Blimsanden. Der kunne eg avbryte økta og gå i land kva tid som helst, noko som passa meg fint. Vi var to grupper med padlarar ute denne dagen, og dei krappe bølgene på Blimsanden gav meir utfordringar enn fin surf. Rulla satt, og eg klarte økta utan å måtte ut av båten. DET var ein personleg siger!!

Fine fyrar å henge med på ein laurdag. Store bølger til å vere Blimsanden. 

Det er ruskut, men faktisk ganske koseleg utpå. (Foto: @tuagull)

Lite vind og ikkje spesielt kaldt verken i lufta eller i sjøen, til å vere januar. 

 Eg hadde gløymt kameraet, men Ingvild og gjengen var og på stranda. Da dalar ned bilder på messenger etterkvart! Takk Ingvild! (Sjekk ut @tuagull på instagram)

Sliten men nøgd - og slengt langt inn på tørt land! (Det er eit tegn frå oven som betyr sjokoladepause) (Foto: @tuagull)

Eg klarte å snike med meg på eit av Øystein sine bilde bilde og: 

(Foto: Øystein Pilskog/Kajakkguiden )

Sola som var lova var sein, men kom akkurat då vi avslutta økta. Vakkert. 

  

 

5 km padling + mykje att og fram på surf som ikkje er inkludert. 

Padleloggen 2018

Her er padleloggen 2018, med vekt på turpadling/distansepadling. I tillegg kjem nokre reine surfeturar og rulleøkter. Dei to siste åra har eg padla alt for lite så ambisjonsnivået var meir padling heile året!! Og DET klarte eg! Det vart nok kilometer til sølvmerket til NPF.

Status per 20.12.2018         812  km

Dato              Km            Stad                                 Selskap

25.02             10               Uksebåsen                       Kenneth og Jason
17.03             12               Valderøya                        Solo
25.03             14,5            Litlekalvøya                    Kajakkguiden
28.03             12               Valderøya                        Solo
31.03             13               Kalvøyholmen                Sygni
2.04               13,5            Erkna                              Sygni, Jason og Odin
8.04               5,5              Skodjestraumen              Mildrid og Ingvild
10.04             17               Synnesholmen rundt       Kyrre og Frode
14.04             17               Grasøyane fyr                 Mildrid, Sygni og Odin
15.04             11               Uksebåsen                      Strandrydding
16.04               8               Giske rundt                     Sygni og Terje
18.04             13               Valderøya                        Solo
22.04               5               Alnes, surf                       Kenneth
27.04                -               Alnes, surf                       Kenneth
29.04              15              Ellingsøyfjorden              ÅST
01.05              20              Godøya rundt                  K, T, Ø, A
09.05              11,5            Giske rundt                     ÅST
12.05              21,5           Kalvøya rundt                 Audun
15.05                9              Kveldstur Gjøsundet       Ragnhild, R & K
17.-20.05         40             Kvænangen                     Jarle, BT, Ragni m.fl
28.05               12             Kalvøya rundt                 Roger
30.05               20,5          Valderøya/Giske rundt    Roger
2. 06                 5              Paddle to beer                  PØV
8.-10 juni         28            AWP - Tromsø                Div WS
13.06               14            Valderøya rundt (ny pers!) Kyrre
17.06               10,5          Mallavika                        Kenneth, Roger, Audun
20.06               10             Molnes                            Frode, Kenneth
26.06                 8             Alnes                               Frode og Kenneth
30.06-1.07       46             Geiranger                        Audun
3.07                  24,5         Alnesraunen                    Kyrre, Roger
6-8.07              35             Kalvåg                            Nina
10.07                 4             Giskesanden                   Lene, Kyrre
11.07                 5              Alnes surf                       Kenneth, Edd, Frode og Jason
                          -               2 x surf Alnes                 Øystein, Roger
17.07                 3              Test surfski                     Kyrre
19.07                 9              Giske rundt                     Tommy, Grete, Roger
21.07                18             Kalvøyholmen                PØV
25-26.07           26            Runde/Flåvær                  Mildrid, Aili, Anne, Jørgen
27.07                 6              Hoddevika                      Audun, Øystein, Roger
28                      -               Surf og rull i Hoddevika
1.08                  24             Erkna                              Roger
2.08                   -               Alnes surf                       Kenneth
8-10.08              -              Stokkøya rulling
14.08                12             Rosholmen                     Lene, Roger
19.08                -                Alnes, fyret                    Kenneth, Jason, Øystein
23.08                13             Giske rundt                    ÅST
26.08                7               Brott Vigra                     Kenneth og Jason
26.08                4               Nørvesundet                   Paul Gustav
28.08                5               Giske test surfski            Kyrre, Roger
31.08               16              Synesholmen, båling      Roger
1.09                  9               Valderøya                       Torunn Mari
8.-9.09            28               Vetvika                           Nina
3.10                 2                 Alnes                             Øystein
11.10              16,5             Kalvøya                         Roger
14.10                9                Langevågsholmane       Kenneth og Jason
26.-27             10,5             Kalvøyholmen              Mildrid
6.11                 12               Mørkepadling Giske     Ø,R,K,L,B-H,T
10.11               13               Kvalpadling                  K, BT, J M
11.11               16               Kvalpadling                  K, BT, J M

12.11               21               Kvalpadling                  K, BT, J M
17.11               16               Mørkepadling               Øystein, Roger
27.11               13               Mørkepadling               Ø, K, A, L, P
15.12               12               Førjulspadling Brosundet

Seiling:
16.12              5,5            

.........................................................................................................

Norges Padleforbund har eit distansemerke: Bronse: 400 km , Sølv: 800 km, Gull: 1200 km

Dette er krava for dame og herre senior, når det gjeld kajakk og må padlast i løpet av eit kalenderår.

Eg fekk bronsemerket i 2011, og sølv i 2018! 

Padlehistorikk samla år for år (årstal klikkbar link):
2010 - 172 km fordelt på 12 turar + teknikkurs

2011 - 535 km fordelt på 25 turar inkl. ASKR

2012 - 470 km fordelt på 25 turar + aktivitetsleiarkurs

2013 - 567 km fordelt på 28 turar + hospitant på aktivitetsleiarkurs
2014 - 590 km fordelt på 42 turar inkl ASKR
2015 - 430 km fordelt på 24 turar
2016 - 216 km fordelt på 13 turar
2017 - 246 km fordelt på 13 turar 

Førjulspadling i Brosundet

15.12 Førjulspadlinga i Brosundet har vore marknadsført som fellestur i nesten eit år. det var Kajakkguiden sitt initiativ, med god hjelp frå padlemiljøet på Valderøya og omegn. Det vart eit perfekt desemberver, og eg var spent på kor mange som ville dukke opp! Det seig på med folk og kajakkar på Sunnmøre museum før start, og presis 15.30 var 37 kajakkar på vatnet! Heilt utruleg. Nokre kom på undervegs, så til saman var det 44 blide padlarar med julepynta kajakkar som sklei gjennom skumringstimen langs byen og etterkvart inn i Brosundet. Der dukka det jammen opp kjente blide fjes med gløgg og pepperkaker til oss. Stemningsfullt, fint og hyggeleg. Vert dette ein tradisjon?   

Klargjering før start

Sist Kenneth og eg padla i lag i Brosundet med nisselue var i 2011!

mange originale vriar..

Skumringstimen - og lysa fekk full effekt!

Inn i sjølve sundet

Samling i Brosundet

For meg med vasstettkamera vart det mykje uskarpe bilde frå kvelden. Sjekk Kajakkguiden sitt album, eller sjå filmen nedanfor som Monica Blindheim laga frå arrangementet for fleire bilde/inntrykk!

Lærdom: Vi hadde brukbar kontroll på gruppe og opplegg. Redningsskøyta var med og det var bra som ekstra tryggleik. Mine eigne lys kortslutta tvert, då eg la kajakken på skrå for å få ut senkekjølen. Kjølen fikk eg heller ikkje ut, fordi den var frosen. Neste år må eg gjere litt betre forarbei så eg har lys heile vegen eg og! 

Tatt av vinden - med kajakksegl!

16.12 Kajakksegl har vore eit tema lenge. På ein mørk og regnfull haustkveld framom internettet vart det kjøpt inn, i håp om betre tider. Første gongen vi var ute for å teste var det ikkje vind. Denne gongen hadde vi meir trua. Start i Gjøsundet, med vinden i ryggen mot Synnes. Bil strategisk plasert ut i forkant!

Nydeleg lys og god bør! 

Hu hei kor det går! 

Erfaringar: Kjekt, men kan fort verte einsformig. Segl vert supplement til padling, ikkje i staden for. Med den vinden vi hadde denne dagen vart SNITTFARTA ca 6 km/t, men punktmålingar ofte mellom 9-12 km/t. Det er noko med teknikken og halde farta og styringa oppe. Eg rota det litt til med skegen, og dreide brått 180 grader opp mot vinden. Eg trur dette er enklare med rorkajakk, men absolutt ikkje umogleg med skeg. Kanting og seglføring må koordinerast, og det må øvast litt meir på. Det var veldig greit både å legge ned og ta opp seglet. Eg har lyst å prøve i endå meir vind.  

Frå første økta 8.12 utan vind... Hvem kan segla forutan vins? I alle fall ikkje eg i kajakk.. (Foto: Roger)