fredag 21. desember 2018

Padleloggen 2018

Her er padleloggen 2018, med vekt på turpadling/distansepadling. I tillegg kjem nokre reine surfeturar og rulleøkter. Dei to siste åra har eg padla alt for lite så ambisjonsnivået var meir padling heile året!! Og DET klarte eg! Det vart nok kilometer til sølvmerket til NPF.

Status per 20.12.2018         812  km

Dato              Km            Stad                                 Selskap
25.02             10               Uksebåsen                       Kenneth og Jason
17.03             12               Valderøya                        Solo
25.03             14,5            Litlekalvøya                    Kajakkguiden
28.03             12               Valderøya                        Solo
31.03             13               Kalvøyholmen                Sygni
2.04               13,5            Erkna                              Sygni, Jason og Odin
8.04               5,5              Skodjestraumen              Mildrid og Ingvild
10.04             17               Synnesholmen rundt       Kyrre og Frode
14.04             17               Grasøyane fyr                 Mildrid, Sygni og Odin
15.04             11               Uksebåsen                      Strandrydding
16.04               8               Giske rundt                     Sygni og Terje
18.04             13               Valderøya                        Solo
22.04               5               Alnes, surf                       Kenneth
27.04                -               Alnes, surf                       Kenneth
29.04              15              Ellingsøyfjorden              ÅST
01.05              20              Godøya rundt                  K, T, Ø, A
09.05              11,5            Giske rundt                     ÅST
12.05              21,5           Kalvøya rundt                 Audun
15.05                9              Kveldstur Gjøsundet       Ragnhild, R & K
17.-20.05         40             Kvænangen                     Jarle, BT, Ragni m.fl
28.05               12             Kalvøya rundt                 Roger
30.05               20,5          Valderøya/Giske rundt    Roger
2. 06                 5              Paddle to beer                  PØV
8.-10 juni         28            AWP - Tromsø                Div WS
13.06               14            Valderøya rundt (ny pers!) Kyrre
17.06               10,5          Mallavika                        Kenneth, Roger, Audun
20.06               10             Molnes                            Frode, Kenneth
26.06                 8             Alnes                               Frode og Kenneth
30.06-1.07       46             Geiranger                        Audun
3.07                  24,5         Alnesraunen                    Kyrre, Roger
6-8.07              35             Kalvåg                            Nina
10.07                 4             Giskesanden                   Lene, Kyrre
11.07                 5              Alnes surf                       Kenneth, Edd, Frode og Jason
                          -               2 x surf Alnes                 Øystein, Roger
17.07                 3              Test surfski                     Kyrre
19.07                 9              Giske rundt                     Tommy, Grete, Roger
21.07                18             Kalvøyholmen                PØV
25-26.07           26            Runde/Flåvær                  Mildrid, Aili, Anne, Jørgen
27.07                 6              Hoddevika                      Audun, Øystein, Roger
28                      -               Surf og rull i Hoddevika
1.08                  24             Erkna                              Roger
2.08                   -               Alnes surf                       Kenneth
8-10.08              -              Stokkøya rulling
14.08                12             Rosholmen                     Lene, Roger
19.08                -                Alnes, fyret                    Kenneth, Jason, Øystein
23.08                13             Giske rundt                    ÅST
26.08                7               Brott Vigra                     Kenneth og Jason
26.08                4               Nørvesundet                   Paul Gustav
28.08                5               Giske test surfski            Kyrre, Roger
31.08               16              Synesholmen, båling      Roger
1.09                  9               Valderøya                       Torunn Mari
8.-9.09            28               Vetvika                           Nina
3.10                 2                 Alnes                             Øystein
11.10              16,5             Kalvøya                         Roger
14.10                9                Langevågsholmane       Kenneth og Jason
26.-27             10,5             Kalvøyholmen              Mildrid
6.11                 12               Mørkepadling Giske     Ø,R,K,L,B-H,T
10.11               13               Kvalpadling                  K, BT, J M
11.11               16               Kvalpadling                  K, BT, J M
12.11               21               Kvalpadling                  K, BT, J M
17.11               16               Mørkepadling               Øystein, Roger
27.11               13               Mørkepadling               Ø, K, A, L, P
15.12               12               Førjulspadling Brosundet

Seiling:
16.12              5,5            



.........................................................................................................
Norges Padleforbund har eit distansemerke: Bronse: 400 km , Sølv: 800 km, Gull: 1200 km
Dette er krava for dame og herre senior, når det gjeld kajakk og må padlast i løpet av eit kalenderår.

Eg fekk bronsemerket i 2011, og sølv i 2018! 

Padlehistorikk samla år for år (årstal klikkbar link):
2010 - 172 km fordelt på 12 turar + teknikkurs
2011 - 535 km fordelt på 25 turar inkl. ASKR
2012 - 470 km fordelt på 25 turar + aktivitetsleiarkurs
2013 - 567 km fordelt på 28 turar + hospitant på aktivitetsleiarkurs
2014 - 590 km fordelt på 42 turar inkl ASKR
2015 - 430 km fordelt på 24 turar
2016 - 216 km fordelt på 13 turar
2017 - 246 km fordelt på 13 turar 

torsdag 20. desember 2018

Førjulspadling i Brosundet

15.12 Førjulspadlinga i Brosundet har vore marknadsført som fellestur i nesten eit år. det var Kajakkguiden sitt initiativ, med god hjelp frå padlemiljøet på Valderøya og omegn. Det vart eit perfekt desemberver, og eg var spent på kor mange som ville dukke opp! Det seig på med folk og kajakkar på Sunnmøre museum før start, og presis 15.30 var 37 kajakkar på vatnet! Heilt utruleg. Nokre kom på undervegs, så til saman var det 44 blide padlarar med julepynta kajakkar som sklei gjennom skumringstimen langs byen og etterkvart inn i Brosundet. Der dukka det jammen opp kjente blide fjes med gløgg og pepperkaker til oss. Stemningsfullt, fint og hyggeleg. Vert dette ein tradisjon?   
Klargjering før start

Sist Kenneth og eg padla i lag i Brosundet med nisselue var i 2011!

mange originale vriar..

Skumringstimen - og lysa fekk full effekt!

Inn i sjølve sundet

Samling i Brosundet

For meg med vasstettkamera vart det mykje uskarpe bilde frå kvelden. Sjekk Kajakkguiden sitt album, eller sjå filmen nedanfor som Monica Blindheim laga frå arrangementet for fleire bilde/inntrykk!



Lærdom: Vi hadde brukbar kontroll på gruppe og opplegg. Redningsskøyta var med og det var bra som ekstra tryggleik. Mine eigne lys kortslutta tvert, då eg la kajakken på skrå for å få ut senkekjølen. Kjølen fikk eg heller ikkje ut, fordi den var frosen. Neste år må eg gjere litt betre forarbei så eg har lys heile vegen eg og! 

søndag 16. desember 2018

Tatt av vinden - med kajakksegl!

16.12 Kajakksegl har vore eit tema lenge. På ein mørk og regnfull haustkveld framom internettet vart det kjøpt inn, i håp om betre tider. Første gongen vi var ute for å teste var det ikkje vind. Denne gongen hadde vi meir trua. Start i Gjøsundet, med vinden i ryggen mot Synnes. Bil strategisk plasert ut i forkant!

Nydeleg lys og god bør! 


Hu hei kor det går! 

Erfaringar: Kjekt, men kan fort verte einsformig. Segl vert supplement til padling, ikkje i staden for. Med den vinden vi hadde denne dagen vart SNITTFARTA ca 6 km/t, men punktmålingar ofte mellom 9-12 km/t. Det er noko med teknikken og halde farta og styringa oppe. Eg rota det litt til med skegen, og dreide brått 180 grader opp mot vinden. Eg trur dette er enklare med rorkajakk, men absolutt ikkje umogleg med skeg. Kanting og seglføring må koordinerast, og det må øvast litt meir på. Det var veldig greit både å legge ned og ta opp seglet. Eg har lyst å prøve i endå meir vind.  

Frå første økta 8.12 utan vind... Hvem kan segla forutan vins? I alle fall ikkje eg i kajakk.. (Foto: Roger)

tirsdag 27. november 2018

Mørkepadling III

27.11 Rundt Valderøya med fin gjeng. Litt variabelt med vind og bølger. Traff på tidspunktet då alle tre hurtigbåtane skulle innom kaia. Ekstra krydder med ryggvondt og tauing. Flott måne og etterkvart stjerneklart. Verkeleg klart og nordlys vart det først etter at vi hadde komme heim. Kjekt å kjenne på at ein vert meir komfortabel i mørket etter nokre kveldar ute. Friliftsliv i vinterhalvåret er gull. 


Runden rundt ca 13 km. Eg prikka med det inn akkurat 800 km for året - så langt!!!

lørdag 17. november 2018

Mørkepadling med kart og kompass

17.11 Stille, klart og nesten fullmåne. Flotte kveldar og silkeføre på fjorden. Det vert ein ekstra dimensjon med padling i mørkret. Vi for ut med kart, kompass og ein del punkt vi skulle innom.


Mykje læring: Det var artig å navigere litt. Det er lett å gå på for lange kompasskursar i staden for å navigere etter terrenget. Det er ikkje så lett å lese kart/ta ut kursar i mørket. På planlagde turar kan ein godt gjere litt førarbeid heime. Vi padlar litt fortare enn vi trur når vi vert ivrige. Det er ikkje nok å ha kontroll på hovedleia, det kjem båtar i bileiene og. Vurdere avstandar og fart på båtar er ikkje lett, heller ikkje å vurdere retninga dei har ut i frå lanterneføring. Slepebåtar har anna lanterneføring.

Fantastisk kveld på sjøen! Det gav meirsmak med orienteringsoppgåver langs med. Vi har nokre idear til neste gong. Turen vart totalt 16 km. 

torsdag 15. november 2018

Kvalpadling 2018 - dag 1

10.11 Grytidleg opp, køyre frå Tromsø. Frå svarte natta gjennom blåtimen til grålysning. Venting på vegarbeid. Smalare og meir svingete vegar dess nærare vi kjem Skjervøy. Vind, men ikkje avskrekkande. Effektive og forventningsfulle gjorde vi oss klare. Rutina var på plass. Ete ei brødskive medan pakking, lys, ekstra vottar, lue og batteri til kamera lett tilgjengeleg. Ved på lur i kajakkane. VHF-sjekk. Plussgradene gjorde pakkinga og påkledninga enklare og meir behageleg.

På sjøen ca halv ti. 

Etter ca 4 km så såg vi første kvalen - og frå då var det kval overalt! Lenge! Knølkval og spekkhoggarar om kvarandre. Finner og halar, store og små blåst på lang og kort avstand. 

Knøl som dykkar (Foto: Kristin)

Morten "vassa" i kval. Han fekk seg og ei skikkeleg overrasking då ei knølgruppe kom opp med store gap rett bak kajakken hans (mindre enn 5 meter unna!). Link til videoen på TV2. 
Det var bursdagsgave god som gull på forskot.  

Få med seg opplevinga, vere tilstades der og då og ta litt bilde. Det er mykje som skal balanserast! 
I tillegg skulle eg halde styr på kajakk, åre, vind og bølgjer! Foto: Kristin



 Spekkhoggarar på kryssande kurs


Knøltog


Kvalpadlinga 2018 var offisielt opna - og det med glans! På 2 timar hadde eg sett meir kval enn samla på alle 5 kvalpadledagane i 2017. Kvænangen i frisk bris var heftig nok, og etter nokre timar var eg sliten, og diverse behov meldte seg. 

Novembersol på 70 grader nord. 

Rullesteinstrand, med veldig flott stein. Kristin hadde lyst å ta med halve stranda. 

Vi gjekk i land på Hekksteinen (nord). Etter røysting vart det 3 mot 2 for bål, så då vart det bål. Ingen angra på det. Bålsjefen rydda og fyra, og det vart rett så triveleg. Ein havert låg i fjæra og kikka på oss. 


Bålet gav varme, varm mat og salutt til slutt!

Fjorden gjekk kvit utpå og vi hadde sett meir kval enn vi klarte å fordøye. Vi sette difor kursen innover etter lunsj. Vi var heldige og kryssa fjorden då det var relativt lite vind. Det var framleis eit slags dagslys då vi kom inn til stranda. Morten held fram øvinga på redning og rulling.



Kvalpadling dag 1 - 13 km padling
Store opplevingar i stort landskap. 

Kartutsnitt endomondo - kvalpadling i eit nøtteskal

mandag 12. november 2018

Kvalpadling 2018 - dag 3

12.11.18 Alle gode ting er som kjent tre, og no var vi tre personar att til tredje dagen med kvalpadling. Vi hadde allereie sett nok kval til å vere nøgde med helga, dette var ein bonusfridag. Låge skuldre, ope sinn og god drill på utstyr og padling. Og for ein dag det vart!!

Klar for avreise

Kvalpadling i soloppgang


Det var ikkje eit vindpust. Vi var aleine på sjøen. Dei andre kvalturistane åt framleis frukost. Berre ein liten sjark å sjå i horisonten. Soloppgangen var heilt fantastisk! Gull, orange, burgunderblått. Svarte skuggar av fjell, padlarar og sjøfugl mot hav og himmel.   

Då vi kom utpå såg vi kval i to ulike retningar. Langt unna. Nokre små båtar stima mot dei næraste. Vi sette kursen mot dei andre. Etter ein kilometer padling synes eg at eg såg eit plask. Etter ei lita stund til såg vi heile knølkvalen i lufta. Det var på god avstand, og det var i grunn greit. Eg vil ikkje ha 30 tonn kval i hovudet! Det var to, og dei hoppa fleire gonger. Det er heilt sprøtt å sjå på det. 
  
Knølkval i lufta - om du ser nøye etter!

Landing med eit plask! Berre så spruten står. 

Her stryk begge hoppeknølane seg forbi Bjørn Tore


Det var brått mykje aktivitet. Spekkhoggarar i soloppgang er heiiiilt innafor på ein mandags morgon.. 

Foto: Kristin

Hoppeknølane dykkar inn mot Skjervøy

Ei ny gruppe med knølar sig forbi Bjørn Tore på kloss hald. 

Kvalturistar i fleng - og tre knølkvalar innimellom mylderet av båtar,  rib'ar og kajakkar.

Etterkvart hadde alle kvalturistane stått opp. Det var ein haug med båtar som sirkla etter den same gruppa av kval. Eg vart og bitt av basillen og ville sjå mest mogleg. Men etter ei lita stund så ser ein galskapen - det er FOR mykje folk og båtar, og vi forstyrrar meir enn observerar. Så då tok vi til vett og for avgarde for å finne lunsj-plass. 

Novembersol og dagslys. Direktelading av skrotten og mental terapi. 

Vi satsa på Hekksteinen vest denne gongen. Flott rullesteinsstrand og mykje ved. Eg hasta, av heilt naturlege årsakar, med å komme meg på land. Bjørn Tore var baktropp og fekk med seg ein stor sluggert av ein knøl som seig forbi.

Bjørn Tore i kajakk (prikk) og knølhale (større prikk)

 
Hekksteinen vest


Bålsjefen fiksar biffen!

Skal det vere bål så skal det vere bål! Raust og rikeleg. Dei finaste folka å båle saman med. 

Det var ikkje kaldt i utgangspunktet og ved bålet var det reine syden. Eg har aldri frose så lite som på kvalpadlinga i år. Det tok tre dagar før eg fekk dreis på ostesmørbrødvarminga, men denne dagen vart dei perfekte! 

Det for kval - så vi hadde orkesterplass under lunsjen. Kor heldige går det an å vere?

Vi skulle i grunn berre heimover, men det var knøl og spekkhoggarar langs vegen, så det tok si tid. Vi var og innom med ei gruppe snorklarar som låg og bada saman med ein spekkhoggarflokk. DET hadde ikkje eg tort..

Knøl som stryk forbi Kristin. Ikkja alt som skjer langt til havs. 

Dei er kule då - der dei kjem med stauren i veret i full fart forbi

Kvalitetstid saman med spekkhoggarane

Skumringstimen vart blåtimen. Det var heilt stille på sjøen. Vi høyrde kvar ein kvalblåst i ein omkrins på fleire kilometer. Små lys markerte fiskebåtane lenger ute i fjorden. Slike stunder på sjøen er sjeldne og magiske. Det går ikkje an å forklare korleis det er - det må opplevast. 

Skjervøybygda skin som ein diamant der inne.

 
På heimvegen 
Kristin filmar medan vi to andre sig forbi og debriefar opplevingane.