søndag 5. mars 2017

Skrova med Sygni og Marian

5.3.17 Sygni var på besøk og då vi sette kurs mot Skrova på søndagen, ila Marian nedover frå Vesterålen. Alt låg tilrette for ein strålande dag, og sidan vi hadde vore ute ein vinterdag før var det meir enn rikeleg med klede i sekken.

Skrova - oljetank og Åsjordbruket i "sentrum". Lille-Molla bak.

Litt snø, men ikkje meir enn at vi lett fann stien oppover lyngen mot fjellet. Eg tenkte det var lurt å ta ein alternativ veg opp. Vegvalet viste seg å gje raskt fin utsikt, men også litt bekymring for fotfestet eit par stader. 

Skrova sentrum med fjella i Kabelvåg bak

Skrova fyr - vi er snart oppe det brattaste stykket.

Fin gjeng, litt ullikt blodsukker tidleg ein søndags morgon

Finaste utsikta - mot nordaust

Høgskrova - ein av mine Lofotfavorittar! 
Sola gjorde godt, men det var og iskald vins, så vi vart ikkje så lenge på toppen

Skrova sentrum - Henningsvær og Vågakallen bak til venstre

Teambilde for dagen! Foto: Sygni

Returen med sola og heile Vestfjorden midt i mot!

Det var fleire enn oss som var våryre, og under lunsjen kom det 6-7 ørner forbi og leika seg med termikken. 

Fiskarkona og Høgskrova bak der. 

Vi rakk akkurat ei ferje og dagen var framleis ung og lys. Kva gjer vi no? Svaret vart Henningsvær - og DET angrar ein jo aldri på. I tillegg til kanelbolle og kaffi så er det flott å gå rundt i været på vinteren - og suge til seg stemning, sol og kystkultur. 

Henningsvær hamn, Lofotfiske

Fisk hadde dei fått!


Tidleg solnedgang og magisk gyldent lys. 

Sygni og eg tok med oss ein siste turistattraksjonen på veg heim - skulpturlandskap Nordland i Vågan. Til liks med Skrova og Henningsvær vert eg aldri lei denne.

Kjekt med besøk og turisthelg i Lofoten i mars! 

Linkar til: 

lørdag 4. mars 2017

Fjellskitur i Svolværfjella

4.3.17 Sol, snø og Sygni på Lofotbesøk! Seinvinteren er ei fin tid i Lofoten. Vi hadde mykje planar for helga, som i hovudsak gjekk ut på å lade batteria og nyte livet. Dessutan var vi opptekne av å støtte det lokale næringslivet. Den første turen var fjellskitur i Svolværmarka, og for at det ikkje skulle verte for hard start på helga tok vi skitrekket opp Kongstind alpinsenter, for å gå ein fin runde innover og rundt til Nøkksætra (DNT-hytte).

Svolvær med godstemning og Lofotfiske under oppsegling

Frå toppen av trekket. Greit å komme hit opp utan å løfte ein finger..
(dessutan rein støtte til lokalt næringsliv..)

Foto - Sygni

 Nøkkstua, som er ei anna lita bu i området. Baksida av Kongstindan og Løva.

Pinnkaldt og blå swix. Frostrøyk. Isdekte vatn og trått i løypa. Nydeleg dag, og vi er i posisjon!

Sygni testar gopro

YEAH! Endeleg i sola! 

Det vart ein lang lunsj i sola ved ein stein. Nokre få gjekk forbi på ski, elles var det stilt og fredeleg i dalen. 

Foto: Sygni

Nøkksætra

På sætra var hyttevakta på plass, med nykokt kaffi. Stig høyrde oss fnise og flire på fleire kilometers hald, og kjende att romsdalsmålet lang lei. Vi hadde tid til å sitte i solveggen og slå av ein prat. Flott hytte og veldig fin plassering.   

Grei utsikt frå solveggen

Nøgd turist

Vi for ned mot Sætra og kom oss heilskinna ned bakkane. Kanskje ikkje heilt stilreint, men meir enn bra nok! Så var det det berre å stake seg ut langs Svolværvatna tilbake til bilen. Herleg runde og  nydeleg dag. Raude i kjakane og nylada tok vi helg i sofaen resten av kvelden.