onsdag 30. oktober 2019

Speglblank rekognosering

22.09 Saman med Øystein, som har firmaet Kajakkguiden, har eg klekt ut ein plan om å halde mørkepadlingskurs utover hausten. Det er alltid greit å teste teorien i praksis, og vi bestemte oss for å saumfare området grundig, for å sjå om det egna seg. Vi var begge heilt einige om at tilbodet måtte gje både læring og fin oppleving på sjøen. Eg er usikker på om det var eit teikn frå oven eller eit av livets store paradoks, men mørkepadlingsrekognoseringa skjedde i det mest magiske lyset eg har padla i heile året. Ettermiddagen var gyllen, fjorden låg blikkstille, lufta stod i ro og dirra og det var uråd å sjå skilnad på opp og ned, verkelegheit eller spegling. Sola gjekk etterkvart ned som ei varmraud kule i horisonten, og trea kasta lange trolske skuggar ut over fjorden.

Det låg an til ein fin kveld! 

Flott område, både for dagsturar og mørkepadling!

Kva er opp og kva er ned? 

Lille spegl på fjorden der, kva er vakrasta furua her?






Ein vert nesten relegiøs av å padle på slike dagar. Vi somla, tok inn over oss lyset, og snakka lite, med dempa røyst. For eit landskap vi bur i! Det meste vi trudde på førehand vart stadfesta - her kan vi halde mørkepadlingskurs!

Ruta er hemmeleg, men vi rekognoserte i litt over 8 kilometer. 

USPONSA REKLAME: Er du interessert i mørkepadling, sjekk Kajakkguiden på nett eller FB.    

Havsteinen

20.10 Lat søndag. Kva med ein tur i nærområdet? Det ligg faktisk ei bittelita øy rett utanfor der eg bur, som eg aldri har padla til; Havsteinen. Kjekt med oppdagingsferd og besøk på nye plassar! Det var ein flott og solfylt haustdag då vi for ut, men det vart fort grått og hustrig. Greit å halde seg i rørsle. No er det berre å akseptere at sommaren er på hell og vinteroppsettet må vere klart!

Havsteinen - arkivfoto (august 2018)

Flott oktobersøndag på Sunnmøre!

Herleg på fjorden, rett utanfor husdøra. 

Det kunne jo ikkje vare, vi såg det kom ymse i horisonten

Fjæreplyttar? 

På toppen av øya satt det to ørner og flørta med kvarandre medan dei heldt eit auge på oss. 

Hey hey! Her kjem det fleire! 

Kort kald beinstrekk og niste på land. Eg fekk ikkje med meg nokon på topptur, med argument som dårleg fottøy o.l. Så eg må utover hit att ein gong seinare, med meir enn neoprensko på lur!   

Om dagen vert gråare så gjer det ingenting. Vi stiller med eigne haustfargar. 

Alnesbygda glitra i horisonten

Snirkling

Havsteinen ber namnet med rette - det er ein stor stein!

Ut på tur - aldri sur! Foto: Tommy

Tur/retur 8 km. 
Førstereis til Havsteinen unnagjort. Perfekt tur på ein litt lat søndag. 
 

Blåtimepadling

24.09 Flott haustver på Sunnmøre, og vi var desperate etter å nytte dagane fullt ut! Plan A var solnedgangspadling på Alnes. Havskodda kom innover, så det vart plan B og skjergardspadling i Kalvøyområdet. Litt motvind utover, herleg medbør tilbake og vi fekk heile blåtimen på sjøen. Sosialt og kjekt - og maks utteljing på ein vanleg tirsdag ettermiddag!

Gjøsundet - knutepunkt for båtliv!

Ingen båtar her - då vert det kaisnirkling med kajakk

Flott i øyriket

Kvelden kjem sigande, saman med skodda

Skumring på heimveg

10,5 kilometer

tirsdag 29. oktober 2019

Båre og brott på Vigra

27.10 Vind og bølgjer frå nord betyr potensielt mykje gøy i området her. Søndagen stilna vinden men det var framleis mykje drag i sjøen. Vintertid og snø i fjella. Vi starta med ei sjeldan fin surfeøkt på Blimsanden. Litt drilling på baklengssurf gjorde godt, det var lenge sidan sist! Deretter var det utforsking ved stakar og skjer. Sjølv om det var grått og vasskaldt var det greit å vere i aktivitet - så lenge pausane på land vart korte nok. Øystein hadde "djupdykk" som tema for dagen, og gjennomførte med stil. Brotta er fine på den måten at ein kan velje kor nær ein vil vere og kor mykje sjøsprøyt ein vil ha - så alle kan få tøye si eiga komfortsone.

Blankstille innom skjera, men godt drag i sjøen utanfor. Grått, men flott! 

Øystein køyrer på! Rockhopping er ikkje like lett å berekne, så her vart det skrammer, men heldigvis berre på utstyret. 

Favorittstaken? 

Bølgja ved sidan av staken er flott, men vanskeleg å treffe.

Hårfint for langt unna... (Foto: Øystein/Kajakkguiden)

Venting er ein del av gamet

Bildeserie av eit av Øystein sine djupdykk: 

1. Ser lovande ut! Her vert det surf!

2. Ups, kjem litt bakpå her

3. Ups... kvar vert det av kajakken no?

4. Skikkeleg UPS UPS! Kvar vart det av mannen? Vi gjer oss klare for redning...

5. Kva skimtar vi der?

6. Hammeren stig opp frå djupet. 

7. Våt, men glad. Spytta ut like heil og rett veg. Kven skulle trudd det! 

Roger testar ny leikeplass.
Borti her har vi nesten ikkje vore før - mendet var fine skjer og ei veldig artig spretten lita bølgje! Det var etterkvart nye djupdykk. 

Transportstrekka vart totalt 6 km - og sikkert like lang padling att og fram i surf og brott. 

Alnes

26.07 Kjekk dagen derpå-økt på Alnes. Eg hadde ikkje med kamera, men Øystein hadde.... Store forhold på tuppen, fine bølgjer med veldig mange brettsurferar på stranda, og fin lita bølgje på innsida. Vart nokre fine kontrollerte surfar, og eit par litt mindre kontrollerte. Lite fart i surfen og sterkt sideveis drag i sjøen var utfordrande nok. Herleg økt!

Ups. Litt bakpå. Hakket før eg rulla, men det vart ein grei dunk før vi sklei forbi kvarandre. 
Foto: Øystein Pilskog/Kajakkguiden