Sommarpadling i Loen

24.07 Sommaren på Vestlandet kan slå til! Brått vart det 30 varmegrader og halve nabolaget hadde fri på same tid. Då vart det impulstur til Lovatnet i Nordfjord. Nær nok til at vi berre kunne stikke på kort varsel, men langt nok unna til å vere eksotisk for oss kystpadlarane. Eg må innrømme at eg i utgangspunktet er litt lunken til fjord- og innlandspadling. På slike dagar må eg derimot legge meg heilt flat og heilhjarta innrømme at det er vakkert og fantastisk. Grilling, fliring, padling, hengekøyenetter og bading - kortreist ferie på sitt aller beste.

Nesten kunst.. PØV gjengen på Lovatnet

Kveld ved Lovatnet - Helset camping. 

Straks klar for padling (Foto: Gro)

Uvant, men kjekt når sikkerheitsutstyret i hovudsak er solbriller og solkrem. 

Perfekt dag for padling, på ein turkis spegel av eit brevatn. Store landskap og dramatiske fjellsider.

  

Astri fekk prøve Nuka og vingåre, og dei var bestevennar frå første minutt

Snirkling langs land. Deileg med skugge.

100% sommarpadling. 

Som å padle i eit måleri heile dagen! 

  

Kjenndalen og Kjenndalsbreen 

Innerst her ligg Kjenndalsstova. Dei har is. Og lokalprodusert eplesaft. Dei einaste som snakka norsk der var oss. 

"Elvepadling" i isvatn. Nesdalen og Nesdalsnibba (?)

Nervepirrande landing av drone på vatnet. 

Dronebilde (Foto: Øystein Pilskog/Kajakkguiden)

Dronebilde (Foto: Øystein Pilskog/Kajakkguiden)

Det fossa og dampa frå alle fjell. På platåa over her ligg det brear, som svetta i varmen. 

Bading; meir godt enn kaldt! ...og alle var uti etterkvart.

Temperaturen i vatnet varierte frå 11-12 grader til nesten 20!

Øystein nytta høvet..

Vi runda av med rulling

Synkronrulle. Vi har blitt god på første halvdel.

Eg var totalt uførebudd på det ekstreme trykket som bygde seg opp i biholene i ferskvatnet. Så det vart bom og tilbake til godsida for å komme opp. Filming: Gro

Det var ein herleg dag, ein slik der sommarkjensla fyller heile kroppen. Ikkje noko stress, og ny kveld med grilling og sosialt utover kvelden på campingen. Eg er ikkje så rutinert på campingplass-camping, men med litt store grupper og venner med god grill er det berre fordelar med campingplass.  

Helset camping, ein aldeles utmerka base for padling på vatnet.

Vi fekk plass på campingen med eit naudskrik. Det er rimeleg fullt av turistar i Nordfjord om sommaren. 

Utsikta frå hengekøya mi

Øystein rigga seg og til med hengekøye (Foto: Astri). Eg utan tarp. Maks comfort. 

Rosa foss i solnedgang. 

Padlinga vart til saman ca 16 km. 

Grilltur på favorittholmen

6. juni fekk vi sjansen på å tjuvstarte på sommaren. Det var knallfine vermeldingar, med over 20 grader! Vi for ut med grilling og bading i blikket. Padling i T-skjorta var akkurat mogleg, men heller ikkje meir. Middagen ute var stor suksess - og eg har no avansert frå grillpølse til burger! Sunnmøre leverar ofte mange årstider på ein dag - og denne kvelden fekk vi ein skikkeleg floing i fleisen på heimveg. Håpar det vert mange middagar ute i løpet av sommaren - det var både kjekt og sosialt, med ein god dose trim!

Sommarpadling!

 

Favorittholmen!

Kyrre gjekk for bål...

...eg gjekk for grill! Veldig fin liten sak det her. 

Middag i det fri! 100% suksess!

Nydeleg - og lovar godt for sommaren som står for døra

Ups...? bading vart avlyst og vi fekk massa motvind og skvalpesjø på veg inn att. Valderøya tok ikkje av i det heile for vestavinden. Rart, men slik var det. 

Alle padla frå "si" hamn , og eg frå Knutneset. Turen vart ca 16 km t/r 

Maihelg med kajakk og fjellsko i Hoddevika

11.-12. Øystein slo til og booka heile Stad surfing. Venners venner frå Giske og omegn stilte med kajakk og/eller fjellsko og godt humør. Det vart ei knall helg både til fjells og på bølgjene blå. Små og snille forhold på surfen, stort sett sol, lettskya og lite vind. Vi hadde heile stranda for oss sjølve store delar av helga. Det var ekstra kjekt at fleire av turpadlarane i gjengen heiv seg i surfen! Læringskurva hos enkelte var like bratt som fjella, og glisa vart berre breiare og breiare etterkvart som dei nagla støttetak og sidesurf i løpet av laurdagen. Sjølv fekk eg etterlengta mengdetrening og masse fine surfar - syns eg i alle fall sjølv! Nydeleg solnedgang, grilling, vaffelsteiking og hyggeleg sosialt samvær toppa helga! Astri Molnes er medsamansvoren bloggar denne gongen - og har bidratt med masse flotte bilde frå turen. 

Hoddevika! Ein typisk unik og spesielt bra plass!!!

Stad surfing - basen vår for helga. 

Spenna klare! 

Forventningsfulle!

Alle mann alle, og kvar til sine aktivitetar. Leirskule for vaksne det her! 

Ut gjennom bølgjene! 

Eksotisk og vakkert! Kvar gong sola skein igjennom vart det turkis sjø og sydlandsk stemning. 

Mykje surf - lite fotografering. 

Etter pause.....spenna klare på nytt!

Surfebabes med breie glis!

Nøgd fyr. Englishman in Hoddevika.  (Foto: Astri)

Øystein

Ser ut som eg tek surfinga på blodig alvor..  (Foto: Astri)

...men jammen kom gliset etterkvart her og! (Foto: Astri)

Roger i farta..!

Stålkontroll

Leik og moro - og for ei ramme vi hadde på alle kantar: 

Fjellsportgruppa i PØV sjekka utsikta frå Moskleivhornet - lekkert! (Foto: Astri)

Fugleperspektiv, og vi minner mest om leikefigurar! (Foto: Astri)

Mange inntrykk - lang dag! Ingvild tel på knappane om det vert ei økt til.

På tide å gje seg? Dronebilde av og med Øystein/Kajakkguiden. 

Link til Øystein/Kajakkguiden sin film frå helga

Surferar og fjellfantar må ha mat. Det klødde i kjøttfoten og vart fyr på grillen. - Det er jo ein heilt nydeleg temperatur ute i kveld, var det fleire som sa med stor entusiasme. Og med stilongs og dunjakke så var det jo i grunn det....

  

Kveldstur på moloen

Surfevarselet, og det stemte ganske godt