Bortoverskihelg - Svartløken og Skalleløypa

Februarhelga 9.-10. vart nesten som ein mini-vinterferie. Kaldt i Ålebyen. Det er nesten utruleg å vakne opp til -4 og strålande sol to dagar på rad - og det attpåtil på helg! nesten som å vinne i Lotto.

Vintermorgon i Ålebyen som skrik: Finn fram skia og kom deg ut!

Nydeleg i skogen

Laurdagen for Kristine og eg til Ørskogfjellet og gjekk løypene til Svartløken og Tomrefjordhytta. Mange kalde grader, flotte nypreparte løyper og vakkert vinterlandskap.

Påsketurist nr 1

Påsketurist nr 2

Med breie glis og aukande nasjonalromantisk stemning suste vi avgarde. Rett nok suste det eindel unge lovande forbi oss med skøyteski, men eg nekta å la det gå inn på meg. 

Tomrefjordhytta

Dagens mål, med lovnad om "full gaffel". Det er HTC-språk for ein vaffel. Tomrefjordingane kan dette med skihytte. Folk var blide, vaflane gode, og vi fekk med oss Emil Hegle Svendsen ta VM-gull i skiskyting før vi for heim att.

Eg vert litt glad for å vere norsk når eg ser kor mykje folk som går i skiløypene, er på skihytta og kosar seg med nistepakke med grovbrød og brunost. Det er ein fin tradisjon. Det er kjekt at det er SLIKE ting som gjer oss glade.

Frostadtind.

Ikkje i dag, men snart..?

Link til oversiktskart over skiløypene i Ørskog/Skodje

Vi kunne skryte på oss over ei mil på ski (11,2 km), og var godt nøgde.

Søndagen hadde eg beslutningsvegring, men endte opp åleine på Sula. Det var slett ikkje noko dårleg val på ein litt dårleg dag. Fine løyper og fantastisk utsikt.

Porten til Sulafjellet.

Eg får alltid lyst til å lage eventyr når eg kjem til "porten", og ventar på at det skal dukke opp eit troll her.

 Eg testa delvis ei skogsløype oppover lia, men då eg møtte sporlagaren på veg ned snudde eg og. Litt lite snø og veldig laust i terrenget. Veldig mykje lettare å gå i dei oppkøyrde løypene.

Rollonhytta

Rollonhytta er veldig fin og ligg fantastisk til. I dag var den stengt, men når det er betjening her så har dei verdas beste buljong.. Skal, skal ikkje. Kort realitycheck. I dag orka eg rett og slett ikkje å gå på Vardane. Tok av fellene her og for ned på Taustua rett nedanfor for lunsj. Der var det fyr i peisen, kiosk og god stemning.

Fine løyper på Sula! Solvendt og med strålande utsikt.

Frå Taustua tok eg Skalleløypa (jf skilting) nedatt. Det vil seie delar av denne. 

Link til den løypa som eg trur eg for nedatt

Link til: Skalleløypa full versjon

Skalleløypa var artig å fare ned. Nesten ingen folk og flat nok til at eg berre kunne stå heile vegen med bittelitt staking på dei heilt flate partia. Mykje kjekkare enn å ploge seg ned mellom folk, hundar og akebrett på den vanlege skogsvegen.

Utsikt mot Kolåstind.

Det vart over ei mil på ski på søndagen også.
For meg som ikkje er oppvaksen her er det artig å gå desse løypene. Eg er heller ikkje vant med tilrettelagte vinterløyper, så det er faktisk stor stas med preppa spor og merkte løyper. Skikkeleg pudderkvalitet på snøen no, så reknar med det er nokre begeistra tuppturentusiastar etter denne helga.  

Gamlemsveten (790 moh)

Januar. Kva gjer ein i januar for å få seg litt frisk luft? Rottar seg saman, tek med hovudlykta og finn seg eit turmål. Gamlemsveten har veg opp, og burde difor vere idiotsikker sjølv i mørket med hovudlykt.

Ved bilen var det +2, vindstille og stjerneklart. Det varte ikkje så lenge...

Skikkeleg triveleg oppover bakkane

Vi viste ikkje kvar på fjellet vi var og verda verka lita og relativt flat. Vind og snø gjorde at det var kaldt og dårlig sikt. Ising på vegen gjorde det heile ekstra spennande. Det var veldig kjekt å vere på tur med hund att og humøret var på topp.

Caro rimar ned

Utsikta var det heller dårleg med. Etter ei god stund så vart det likevel eit lys i horisonten.

¨

Månelandskap.

Brøytestikker, kjekke turdamer og hund i solnedgang (dvs utelampe..).

Toppen! Det var litt merkleg å stå på toppen under utelyset på eit bygg og vite at det er 80 meter antenne over deg, men du ser ikkje litt av den eingong.

På toppen! Så blide når det er SÅ SURT! Betre turfølgje får ein ikkje. 

Eg fekk ikkje vere med på bildet fordi kameraet bleste ned frå steinen....

På nedturen gav byga seg og vi fekk panoramautsikt mot Ålesund og øyane. Fyra på Alnes og Runde blinka så fint. No såg vi at det faktisk var ganske bratt det vi hadde gått opp. Proposjonane falt på plass att.

Prosjekt kveldstur gjennomført med stor suksess - slike vert det fleire av framover! Vi har lys og klede så ingen grunn til å sitte inne KVAR kveld.

Turmålpostar Sula 2012

Feilberekning. Totalt. Eg har ikkje gått alle turmålpostane på Sula i år. Sidan årsaka er at eg har vore travelt oppteken med andre turar så får det passere. Mange flotte turar og gode minne vart det likevel i løpet av sesongen. Sosial trim på nye stiar har vore høgdepunkt på sommarkvardagane.

Leirvågfjellet på Sula, mot Langevågen, Sukkertoppen og Godøya.

Sidan mange av desse turane er korte, så har vi innført begrep som "dobbel" og "trippel".

Vestlandet er praktisk med at det i store trekk er ei årstid. Vår, sommar og haust 2012 var igrunn 13 grader og overskya. Goretex med ull under funkar difor så og seie alltid.  

Trollet ved Mauseidvatnet (til høgre).

Vonhytta og nordover

Varden på Blåfjell. Meg og Beate

Det er overraskande fint på Sula. Variert natur og godt tilrettelagt for friluftsliv. Ein kveld var vi 4 stk på tur og "tok" faktisk 4 postar: Taustua, Vardane, Svanshornet og Fiskarstrandhyttene. Ein kvadruppel.

Skikkelege vardar på Vardane!

Juhuuuu!!! Trippeljump på Sula.

 Frå Vardane nedover mot Svanshornet (ryggen på midten). Fint terreng. Lett å gå. Svartestille og knott. Så mykje knott at det verken vart bilde eller kartsjekking.

Fiskarstrandhyttene

Kilometervis strandvandring proppa med kulturminne utover mot Kalvestad

Kristine demonstrerer storleiken på vikinglanghusruinane - Kalvestad

Haustfargar

Vinterarbeidstid, mørke kveldar. Det er snart slutt på tida då ein rekk ein fjelltur etter jobb. Det er ikkje fleire søndagar att til å gå på Eltrane.

Anne Marte og eg tek eit siste raid på Sula. Postane på Gjølevatnet og Vassetvatnet vert erobra med våte sko, full vanntettmundur og hovudlykt i reserve (ein mørk og regnfull kveld). Oktober er slutt. Sesongen er slutt. Denne sesongen i alle fall.

- Har du ski? spør eg Anne Marte. -Jepp, svarar ho. -Nedoverski og bortoverski!

Link til Turmålpostane på Sula

Link til Turmålpostane i Ålesund

Her er erfaringane mine med turmålpostane i Ålesund

Turmål i Ålesund og omegn 2012

Innimellom padling, jobbing og feriering har eg gått på turmålpostane i Ålesund kommune. Stort sett i lag med Anne Marte, med veldig bra innhopp av Kalle, Beate, Kristine og Trude innimellom. Konseptet er å registrere seg på nettsida, finne kodane i terrenget og registrere dei via mobil eller nett. Dette fører til at:

1) Vi kjem oss ut (Frisk luft er betre enn Dagsrevyen)
2) Vi kjem oss ut på nye plassar (Artig og dels spennande)
3) Vi kjem oss i form? (Verknaden lar merkeleg nok vente på seg..)

I alle fall - her er "Best of" turmålpostane - eg har no vore på alle i Ålesund (og vi er godt i gang med dei på Sula).

Sist og høgast! Ursfjellet/Vasstrandegga (561 moh). Høgaste punkt i Ålesund kommune ligg rett ved toppen. Sjølve toppen ligg nemleg i Skodje kommune.. 

Utsikt frå Vasstrandegga mot Ålesund og Godøya.

Langevatnet. Haustvibbar. Beviset på at det ikkje bles alltid.

Godt skilta er det stort sett. Myklebusthornet var eg på i fjor og, men no gjekk eg ein anna veg. Turmålspostar = lommekjent.

Maulings på Myklebusthornet

Alternativ rute ned frå Sukkertoppen, Trollråsa. Anne Marte og Kalle var med. Her kjem vi rett ned på posten ved Tueneset - det er med andre ord "ein dobbel". Mykje meir spennande enn å gå den vanlege stien nedatt.

Holsfjellet. Ei perle! Bergrabbar og furuskog.

På dei fleste postane er det bøker i tillegg til kode.

JUMP - på Holsfjellet. Anne Marte har stor tolmod og forståing for hoppebilde.

Kvervaksla - før forviklingane

Vi er godt kjent på Kverve. Det er vel ingen som har gått så langt for å komme ut til posten ved lykta som oss. Eg har lært at det er ein grunn til at det ikkje er merka sti på kartet. Som regel er grunnen at det ikkje er ein sti, til dømes fordi det er eit loddrett stup. Anne Marte har lært at ho ikkje bør stole ukritisk på kartlesar/stifinnar. Vi var begge einige om at det var ein fin og til slutt passe lang tur. Etter dette har vi tilfeldigvis alltid hatt med vatn og naudproviant på alle turar.  

Høgkubben med Beate. Vi var kledd for sommar. Det hagla.

Borgundgavlen. Fin utsikt inn til byen.

Østremsetra

Borgernes vei, Lillevatnet og Hatlåsen (DYTT-fellestur) uten kamera. Per Ove guida på Hatlåsen og det var utruleg kjekt å få "innside information" frå ein som var oppveksen i området. Bjønnalogen og Geitnausta (DRITLANGT!) utan batteri i kamera.

Fine kveldsturar, varierte turmål og alltid utsikt som imponerar! Turmåla i Ålesund kan anbefalast.   

Vi har og utforska turmålpostane på Sula i løpet av sommaren