Viser innlegg med etiketten JanR. Vis alle innlegg
Viser innlegg med etiketten JanR. Vis alle innlegg

onsdag 26. juni 2019

Grilltur på favorittholmen

6. juni fekk vi sjansen på å tjuvstarte på sommaren. Det var knallfine vermeldingar, med over 20 grader! Vi for ut med grilling og bading i blikket. Padling i T-skjorta var akkurat mogleg, men heller ikkje meir. Middagen ute var stor suksess - og eg har no avansert frå grillpølse til burger! Sunnmøre leverar ofte mange årstider på ein dag - og denne kvelden fekk vi ein skikkeleg floing i fleisen på heimveg. Håpar det vert mange middagar ute i løpet av sommaren - det var både kjekt og sosialt, med ein god dose trim!

Sommarpadling!
 
Favorittholmen!



Kyrre gjekk for bål...

...eg gjekk for grill! Veldig fin liten sak det her. 

Middag i det fri! 100% suksess!

Nydeleg - og lovar godt for sommaren som står for døra

Ups...? bading vart avlyst og vi fekk massa motvind og skvalpesjø på veg inn att. Valderøya tok ikkje av i det heile for vestavinden. Rart, men slik var det. 

Alle padla frå "si" hamn , og eg frå Knutneset. Turen vart ca 16 km t/r 

tirsdag 30. april 2019

Ellingsøyfjorden - Kvalstein - Langøya

18.04 Ingvild og Espen inviterte til tur frå Kvalstein på Ellingsøya. Flott utgangspunkt, flatt hav, fine folk og årets varmaste dag! Heimepåske er gull!

Fin strand og veldig varmt! Skal/skal ikkje i tørrdrakt..?

Lekkert innover Ellingsøyfjorden - vi padla frå øy til øy.


Strandhogg på Langøya

Denne dagen førsøkte eg å ta det optimale gruppebilde på sjøen. Det er ikkje så lett å formidle kor kjekt det er å vere ein gjeng som sklir gjennom sjøen, pratar litt, nyt livet og ser seg omkring. 
 
..det vert fort små svarte prikkar

Framom er kanskje betre? 

...eller når gruppa padlar gjennom noko? Ups, der var eg bakerst att. 

I mindre grupper er kanskje betre?

..eller fungerar det å spre padlarane langs heile horisonten? 

....eller med min eigen kajakk som kan peike og gje djupne i bildet? 

Korleis vert det med fjell som bakgrunn?

...er er det betre om ein får med litt tare? 

Førebels konklusjon er at det er krevjande å ta bilde av padlegrupper, og eg må jobbe meir med dette. Ingen av bilda gjev rettferd til kor fin dagen og stemninga eigentleg var. Og alle visste at det låg fridagar på rad og rekke og venta på oss!

Påskepadleglede ved Grete

Mange på sjøen - og ungane som fiska lurte på kvifor i alle dagar vi padla. Godt spørsmål. 

Hege tok ein for laget, og rulla påska inn! 20 i stil. Slik ser det ut når ein IKKJE prøvar å komme opp med hovudet først! Eg ser og lærer...
 



Turen vart 11 kilometer. Takk for supert initiativ og ein strålande dag!

fredag 26. april 2019

Kortreist påskepadling

22.04 Påska og våren er ofte den aller finaste tida på Vestlandet. I år slo det til for fullt, og vi fekk full sommar og t-skjortever på toppen! Mange i padlegjengen hadde heimepåske, så det vart turar både i aust og vest, og sosiale kjekke dagar. Finalen tok vi likegodt i skjergarden mellom Giske og Haram, som er eit utruleg flott område med holmar og skjer og nokre større øyer.

Fin gjeng på sjøen, frå "downtown" Valderøya

Kjeholmen

Vraksafari - slik gjorde dei det før i tida..

Fleire i gruppa hadde barndommsminne og masse lokalkunnskap frå området, så det vart mange gode historier langs med utover dagen. 

"Kongen" helsar på - og flaug rett over hovuda på oss

Snirkling og korte kryssingar i vindstille og sol! 

 
Lekkert I! 

Lekkert II

Silkeføre. Passe fort, passe langt. 

Fløyelsfjord

Grønneguiden og damene

Kalvøyholmen vest - flott plass for strandhogg i dag! (Og eg hadde ein bitteliten baktanke her..)

Grilling og skrøner frå Nord-Norge. No har vi lært kva som er problemet om bålrøyken følgjer oss...

Det var nesten for varmt i sola, og deileg å slappe av. Vi hadde med hanskar og ryddesekkar, men det var nesten feil å dra i gang rydding på ein slik sommardag. Etter litt nøling tok vi det fram og vipps var heile gjengen i gang!

Rydding pågår! Foto: Jan Roger

Holme er pepra med isopor, og sjølv om Mildrid og eg rydda her i oktober så var det dessverre lett å finne mengder. 

9 stk - ein time rydding. Då hadde vi dekt eit par hundre meter strandlinje og pakka saman 9 sekkar + diverse kanner og store isoporbitar. 

I terrenget - overalt. Det er nesten umolgeg å plukke opp. 
Eg trur eg skal gå til "krig" mot dårleg avfallshandtering av ispor. 

Det var ein slik dag som kunne vart evig, og ingen ville eigentleg heim. Eg synes det var utruleg kjekt at vi fann roen i mange timar på holmen. 

Det er fine folk eg padlar med, men merkeleg nok er dei meir interessert i å rydde plast enn å bade. Så badinga måtte eg ta ansvar for aleine, under lett press frå Ingvild og Roger. Ikkje avskrekkande kaldt, men førebels nok med einsifra tal svømmetak. 

Aprilbad: Foto Ingvild
  
Etter at vi har vore her: det ser bra ut! 
Vi har etterkvart fått taket på sporlaus ferdsel! 
Rettare sagt: Det var ein stor skilnad: langt meir plast og rusk i området då vi kom enn då vi for. 

På heimvegen traff vi eit flytande kar frå Hofseth biocare. 
Vi har sendt beskjed til dei, no er eg spent på om dei hentar avfallet sitt. Ei bedrift som heiter "biocare" KAN rett og slett ikkje strø om seg med plastavfall i sjøen. 

Glitrehav, medsjø og medvind. Heimvegen gjekk som ein leik!

Snirkling - Tommy!

Samling før kryssing av skipsleia. 

Vi klarte det nesten. Å padle å samla over. 

Der det kan padlast gjennom osv osv...

Teambilde!! Foto: Tommy

Takk for ein fantastisk dag! 
Påskepadling med plastrydding og pølsegrilling var ein perfekt finale på århundrets til no finaste påske i vest! 
14 kilometer. 

lørdag 2. februar 2019

Vinterpadling med spekkhoggarar

2.02. Øystein hadde invitert til vinterturpadling Giske rundt. Det er ein av heilårsfavorittane mine, men eg var likevel i tvil om padling eller ski. Det hadde vore observert spekkhoggarar i området, og det vart avgjerande. Den som vil sjå kval må på sjøen! Vi vart ein heil gjeng og det var vinterleg og triveleg. Vindstille og klårt vinterlys.

Ålebyen og alpane i vinterdrakt

Svaneflokk

Då vi nærma oss Kvalneset såg vi det plaska og spruta og det var noko svart i sjøen. Kan det vere....? Vert vi lurt? Er det folk som snorklar? Då vi kom litt nærare var det umiskjenneleg ei svart finne som skar gjennom sjøen. Filmmusikken frå Haisommar starta opp i bakhovudet. 

Det ER spekkhoggarar!

Måsen og ørna fekk ikkje mykje merksemd frå oss - men dei sneik seg med på bilda likevel

Veldig kule, og heilt inne i fjæresteinane.

Det er ikkje spesielt djupt her, men dei store dyra manøvrerte lynkjapt over sandbankane. Då vi kom var fleire av spekkhoggarane blodige og vi såg to som reiv i ei kjøttfille. Eg trur dei hadde teke ein sel. Det låg fleire forskremte selar heilt inne i tangen.  

Dei er SÅ kule


Det er noko med å oppleve dei så nær, frå kajakk. Som nokon så godt kommenterte: Eg er tøff i trynet når dei svømmer unna, men vert skvetten når dei svømmer mot meg...
Ekstra kjekt å få ei slik oppleving på fellestur! For mange var det første kvalpadlinga. For andre har det vorte meir ein årleg tradisjon...

Finner på alle kantar






Etter ei lang stund for spekkisane til havs. Mørebankane fulle av sild, sei og torsk ligg jo rett utom her. Ei ny gruppe med større dyr kom innover og for nordover. Vi leika litt på bølga ved Kvalneset før det vart beinstrekk, lunsj og BÅL!!!

Grønneguiden får full merksemd...

God stemning i sola. Jadda, jadda, dette kan eg venne meg til. 

Vinterdagen mot hell

Nydeleg lys og starten på solnedgange på heimveg. For ein dag! For ein gjeng! Og for ei flott oppleving! 

Vi vart einige om å samle blinkskot og filmsnuttar, og Monica redigerte i hop - så her kan du sjå høgdepunkta frå dagen:


Turen (raud) - 11 km 

Spekkhoggar - staurkval - killer whale - orcinus orca. Kjært barn og mange namn. Orcus var den romerske guden for underverda. Det latinske namnet betyr noko slikt som: Den som høyrer til Orcus med stor tønnemage".