Rekognosering i Ervika og på Vestkapp

29.07 Slitne og nøgde med surf og sommar. Likevel ikkje heilt klare for å fare heim. Då vert ein fort turist i eige land! Stadlandet er eksotisk, spennande og flott. Smale vegar snirklar seg utover, opp og ned, rundt og innimellom. Ervika er annleis enn Hoddevika, men minst like flott. Frå Vestkapp har ein rundskue over store delar av Sunnmøre, fjella innover, fjordkysten sørover og ope hav. Betre enn Nordkapp. Heilt subjektivt, sjølvsagt. 

Ervika - ein stad der kultur møter natur. Dramatisk landskap og historie. 

Stranda når ein kjem frå parkeringa. 

 

Surfbare bølgjer for oss - og då kom vi frå havblikk i Hoddevika. 

Surferane vi snakka med fortalte at det hadde vore forhold i Ervika frå ca 11 dagen før, og det var omlag då vi gav oss i Hoddevika fordi det vart for smått og langt i mellom. 

Stranda frå campingen

Det er klart at ein får litt ekstra god sommarstemning og trua på framtidige campingturar når det er 25 grader, sol og shortsver. Det kan ein kanskje ikkje rekne med at er standard her ute. Ervika var veldig fin, og det er stort potensiale for kjekk kajakkhelg uansett ver - hit kjem vi nok att!

(Men det var faktisk knallver sist eg var her og)

Stranda frå moloen

Moloen i Ervika

Hugs til seinare:

Erviksanden camping

Ervik Surfshop 

Fiskekort i elva

 Ryktet om at kafeen på Vestkapp hadde opna att hadde nådd oss. Det var langt på dag og eg var svolten, så heldigvis var det stemning for å fare opp der. Vegen opp var langt kulare enn eg hugsa når det kom til utsikt og natur, og langt dårlegare enn eg hugsa når det kom til trafikkavvikling. Mykje bilar, syklistar og sauar oppetter og det vart rygging i nedoverbakke utan autovern. Ikkje favorittsysselen min.  

Kafeen var open, full av folk, vi fekk mat og den var veldig god! 

Link til meir om nyopninga av Norges vestlegaste kafe her. 

Info om Vestkapp

   

Sørover

Honningsvåg og nordover Sunnmørskysten

Vestkapp

Ikonisk ver-radar

Innover Stadlandet

Kan det snirklast her, tru?

 

Kulturlandskapspleiarane i full sving

Tøft landskap!

Ein gong skal eg ha "omvendt" utsikt!!!

Turist i eige land - Flakstad og Reine

5.07.16 TILBAKEBLIKK

I Lofoten treng ein ikkje langt frå bilen for fine opplevingar. På ein halvgrå skiftande sommardag, og ein stk lungebetennelse vart det sightseeing med bil, og ein strålande flott feriedag i godt lag.

Flakstad kyrkje

Skulpturlandskap Flakstad

http://www.skulpturlandskap.no/kunstverkene/epitaph/

Innom Smeden i Sund er obligatorisk..

Skarv i produksjon

Hamnøy og Olstind

Glåpen fyr

Mosken og Værøy

Rorbuene på Reine

Fotopunkt av ein grunn - Rein(e) idyllen. 

Det vert liksom aldri oppbrukt heller det motivet her.

Korsnes, Tranøy og Engeløya - herleg trippel i Nordland

3.-5 august.  Karianne og eg skal klare oss på eiga hand sørover i Nordland. Første stopp var på Korsneset i Tysfjord hos Per Arne.

God stemning på fantastiske svaberg!

Hytta var påbygd sidan sist eg var innom, og resultatet var bra! Det var kjekt å treffe gamle kjente og praten gjekk om laust og fast. Vi vart sittande oppe utover natta og klarte endeleg å ta knekken på den sommarakevitten eg har drassa på. 

Panoramabilde. Foto: Karianne

Dagen etter var det lummert. Kjempevarmt og trykkande. Vi sette kursen mot Tranøy for litt sightseeing før regnet kom. 

Tranøy fyr

På fyret er det restaurant, moglegheiter for å gå i tårnet og overnatting. Guiden beklaga at vi ikkje fekk betre utsikt. 25 meter oppe i støypejarnstårnet var det flott å sjå sjølv på ein grå dag, og det var ganske ekkelt å gå rundt på utsida av lykta. 

Etter scampi (kjempegodt!) på kafeen på fyret for vi til Tranøy sentrum. 

-Å, nei! stønna vi då vi kom til Tranøy og dette skiltet. Nok ei "turistfelle" med kjempestor parkering og masse bussturistar. 

- Det er no heldigvis ledige plassar, seier eg. Vi tykkjer det er litt merkeleg at det skal vere behov for fleire hundre parkeringsplassar her ute, sidan det ikkje er ferge eller noko anna vidare transport heller. Det er no ein taslete parkeringsplass vi finn, men hiv oss ut med friskt mot, pengar og kamera.

Tranøy er ei utruleg fin lita bygd. 

Flott natur, gamle velstelte bygg med historisk sus, og ikkje minst kulturløypa! Vi startar i ein ende og nyt bygd, natur og kunst. Ei kvalfangstskute er sett på land og fungerar som kafè. Vi er ikkje svoltne riktig enda, og går på skulpturjakt. 

Blome og skarv. Har Smeden i Sund vore her og?

Kystkvinner!

Desse damene til Ingunn Dalin har vi sett før - eit par av dei står godt på Bulandet og!

Sjøstjerner som strekk seg mot himmelen. Min favoritt!

Neste skulptur står der borte med parkeringsskiltet, og heiter «Plass til fler, tid til mer», seier eg. Vi ser på kvarande og flirer! Jaha, så parkeringsskiltet VAR ein skulptur! Rein KUNST ja. Artig. Den gjekk vi rett på gitt.  

Eit lite dikt har og fått vere med

Marmordama sitt på haugen og har den finaste utsikta. 

Det går ei eiga kunstløype over nokre flotte svaberg. Her er det salsutstilling med bilde. Flott plass og fin kunst. 

Svabergkunstvegg - naturleg galleri. Foto: Karianne

Eg myser på kartet. Neste skulptur heiter " Du er her". Eg høyrer det i det same det vert sagt høgt. NO går vi på kafe. "Dorotheas fryd" har verdas beste kaker!

Sjokolade og rabarbrakrem mmmmmmm!

Vi diggar Tranøy. Hit skal eg tilbake!

Nordlandsstemning

Ut på E6. Det høljeregnar. Vi køyrer sørover. Kor langt? Yr.no fortel at den einaste staden med opphaldsver er Steigen... Fleire har fortalt om kor fint det er der, så vi tok ein kjapp sving til høgre, inn i ein lang tunell og sikta på Engeløya. 

Det skin opp i Steigen

Vi finn ein grei teltplass, men skal bare køyre litt til. Då ser vi ei gigantstrand! DIT skal vi!

Bøsanden på Engeløya

Sand, kulturlandskap, flatt og bratt.

Panorama Bø-sanden

Solnedgang mot Lofotvegg i skodda

Skjell - Foto: Karianne

Bål på stranda. Nydeleg kveld.

Lofotveggen! Skodda lettar og fargespelet mot fjella er fantastisk!

Er det Hermannsdalstinden der borte skal tru?

Det kjem mørke skyer. Det tordnar i det fjerne. Vi fyrar bål og ser at veret kjem nærare. Tordenskrella vert høgare og høgare. Vi ser lyn flerre i horisonten. Det er framleis fint på VÅR strand. Det tettar seg til, og vi har sett hundrevis av lyn. No rullar tordenen i våre fjell, og vi kryp inn i teltet. Kor lurt er det med karbonstenger? Vi lurar litt. Lyna flerrar rett over oss, og lagar blitzlys i teltet. Syndefloden kjem frå oven. Eg må ut og bardunere teltet skikkeleg - vindkast, torden. lyn, vatn, alt på ein gong! Inferno av svart og kvitt. Herregud for eit ver!

Link til artikkel om veret frå NRK Nordland, med bildeserie frå Hamarøy

Vi skulle ha filma.

Frukost. Brødskiveskjering pågår inne i ponchoen. 

Dårlege vermeldingar og vi sett kursen heim. Mil etter mil på E6. Karianne tok fly opp til Bodø, og begynner å sjå kva som er haka med Nord-Norge-ferie. Ferien er ikkje heilt slutt, og dei siste dagane skal vi ta i lag med familien på Skarset. Møre og Romsdal skal få det beste veret i Norge dei kommande dagane, og då er det ikkje nokon grunn til ikkje å vere der. 

Namnlaus stad i Namdalen. Siste feriestopp.