Trugetur til Ryten (543 moh)

02.04.17 Stine og eg hadde teke på oss å ha trugetur til Ryten med Lofoten turlag. Eg rusletusla meg opp på vegen for felles skyss vestover. Majestetiske kvite fjell og ein kneisande Lofotekatedral. Det var nesten som å gå over bekken etter vatn å køyre vekk herifrå for å gå på tur. Men til liks med plassar lenger sør i landet er Lofoten også best i vest..

Morgonstund i Kabelvåg

Vi starta på Bergland nokre på ski, og andre på truger. Nydeleg utsikt frå start. 

Fin gjeng på tur, nokre kjente og nokre ukjente i god miks. Ein vert fort kjent på tur, så praten gjekk oppover bakkane. 

Eg er godt nøgd med trugene - sjølv om det er litt uvant endå. 

Trugegjengen

Oppe ved Einangen opna landskapet seg nordover med panoramautsikt til Yttersanden

Skigjengen møter kjentfolk

Flakstadrekka bak. Siste bakken mot toppen er seig, men ikke bratt. Utsikta er flott heile vegen. Det er ein favoritt-topp det her.

 

Stine poserar 

Det her er fotopunktet på turen - like før toppen -  med stranda i Kvalvika rett under

Lekkert i Lofoten

Teambilde for dagen! 

Maskoten for dagen - sjarmerande og snill

Frå den eigentlege toppen er det rå utsikt mot Fuglhuken og havet

På heimeveg la vi ruta innom Fredvanghytta. Heilt klart den beste tomta i "byen". Det går vist an å leige den frå bygdelaget. Kanskje det er nokon som har lyst å vere med meg på hyttetur hit ein gong? 

Kjekt på tur med Lofoten Turlag - takk for turen! 

Lysfest på Narvtinden (688 moh)

30.10 Søndagstur i vest etter ei kjekk helg på Glåpen fyr. Narvtinden står det på kartet, og i turboka for Nordland er turen skildra som "ein parademarsj for feinsmeckarar". Og det er vi jo!

Slik avrunda vi turen etter ca 5 herlege varierte timar ute i oktobersola!

Starten såg krevande ut. Utsikta frå parkeringa: Tekoppstetten 365 moh framme og til høgre. Austtoppen på Narvtinden bak. Det viste seg å vere lettare enn det såg ut til oppover. 

Første etappe gjekk på svaberg, deretter var det fin sti med utsikt mot toppen

Solbjørnvatnet er stort og opnar opp landskapet

 Dramatiske fjell: Klokktinden med snø på

Kjempestore sva og nydelege haustfargar. Narvtinden kneisar flott ute til høgre.

Gjengen på Tekoppstetten. Dagens første topp, og omlag halvvegs med høgdemetrane. 

På Tekoppstetten med Narvtinden bak. Herleg ver, eg gjekk i berre trøya oppover. 

Det kjem ei byge innover

Hufsete og grått, men..

For eit lysshow vi fekk på vegen! Sola og byga slest om merksemda mellom ville fjell. Det stråla, skein og svartna til i eit virvar av lys, skuggar og strålar. Magisk!

Oppe på austtoppen set Siri og Per straks kursen mot vesttoppen.

Det var nysnø og ei ganske smal egg over til andre toppen.

Tilbakeblikk på austtoppen og Ingrid

Feiring på topp nr 3! 688 moh

Bønneflagg på toppen her og. 

Flakstadrekka med Stjerntinden

Tilbakeblikk på vesttoppen

Det vart lunsj på austtoppen, og reine påskestemninga i sola. 

Lyset var fantastisk og dette var ein slik dag som ein verkeleg kjenner at "batteria" vert lada opp. 

Vi fekk med dei siste variasjonane i lyset på veg ned. Ettermiddagssola var ikke heilt ferdig med showet. 

Kåkernbrua og regnbogar i fleng

Vi snubla i eit par harepusar, dei hadde ikkje mykje kamuflasje denne helga.

For ein dag! For ein topp! Dette er ein ny favoritt i Lofoten. Turen til Narvtinden har litt av alt og går i eit dramatisk og flott landskap heile vegen. 

Tindstinden (490 moh)

29.10.16 Helg på Glåpen fyr og vi stod opp til grått og grusomt ruskever. Yr.no lova sol, og vi hadde is i magen og tok ein lang frukost. Etterkvart for vi opp til Vassverket i Sørvågen, og der starta turløypa. Dei første 100 metrane gjekk vi same stien som til Munkebu, deretter tok vi av sørover. Det var merka og god sti, og det skein opp.

Dei første 100 metrane gjekk vi same stien som til Munkebu, deretter tok vi av sørover. Det var merka og god sti, og det skein opp. 

Mot Munken og Munkebu

 Vi gjekk i skuggen mesteparten av vegen opp, med utsikt til toppane som bada i sola.

Kort og grei tur, med kjetting på fleire parti då vi nærma oss toppen. Eg var litt usikker på behovet, men det var fint gjort, og greit å halde seg i. 

Oppe! Og det åpna seg opp! Ågvatnet rett ned

Det er sjeldan eg vert så euforisk av å komme opp på ein topp! Eg veit ikkje om det var gråveret om morgonen, eller det at vi gjekk i skuggen opp, men eg vart heilt ekstatisk av å komme opp i sola. For ein topp! For ei utsikt! Vi var like i havet, og Mosken var nære nok til å nesten ta på. 

Mosken og Værøy bak

Mot Munkebu og Munken

Rett ned til Å!

Stokkvikskaret med Gjerdtindan bak

Sørvågen, med Glåpen fyr ute på odden til høgre.

Lene i Lofoten! Siri fotograferar. 

Vindstille og varmt nok til å sitte lenge på toppen. Sjå og spekulere. Kjem vi oss dit ein gong? Eller kva med den der?

Merete og Per hadde nett prøvd seg på Ertenhelltinden - og skal gjere eit nytt forsøk til sommaren. 

 

Panorama fra Tindstinden - tverrsnitt på Moskenesøya

God sti i bratta

Sørvågen - ei skikkeleg triveleg bygd! 

Støvla, som eg og drøymer om ein dag

Herleg haustdag på fjellet. Vi ville ikkje heim, og somla oss nedover. Merete viste oss Ruggesteinen som vi fekk skikkeleg sving på. 

Dei glade vandrarane

Vel "heime" på Glåpen fekk vi med oss ein magisk solnedgang og gjestane serverte sprudel i hagen. Det er ikkje dårleg laurdagettermiddag i oktober!

Solnedgang over Mosken og Værøy

 

Så runda vi av dagen med kikkerten i fyret, og såg heilt til Røst! 

Tindstinden er verd turen. Mykje utsikt for innsatsen, og litt annleis perspektiv på verda herifrå enn mange andre Lofottoppar.  Meir hav.