Seinsommarkveld på Skipssanden i Stø

19.08 Turhelg! Rett frå opplegg med jobben med kurs for Vesterålen. Det vart ferja frå Fiskebøl oppover (ferjer er ei velsigning) og god tid til å skue mot Møysalen. Denne helga var det padling på programmet, og eg skulle møte Marian på Stø. Det vart litt seinare enn vi hadde tenkt, men det gjorde ikkje så mykje. Fredag er ein ofte sliten etter veka, og vi hadde lagt opp til kort kort padling og telting på Skipssanden. Det einaste vi skulle denne kvelden var å komme i posisjon.

Møysalen - dette var sommarens fjellhøgdepunkt, og bilde frå turen kjem etterkvart! 

Stø speglar seg i hamna

Det var ein lekker kveld å legge utpå

Det var fleire kjente i Stø denne kvelden. Stein-Evert var og i posisjon for morgondagen, men han hadde planar om å guide folk på Dronningruta. Vi la difor ut frå hamna med eigen fotograf strategisk plassert på moloen! (Sjekk @Stein_Evert på instagram for mykje flotte bilde!) 

Her er vi ferdig pakka og på tur ut (Foto: Stein Evert)

Fredag = gullrekka, og vi bytta glatt gullrekka mot gullhav. (Foto: Stein-Evert)

Vakkert I

Vakkert II

Skipssanden - base for helga

Magisk. Fantastisk. Oppleving. Store ord og ein minneverdig kveld. Padleetappa var på heile 1,8 km. Det er ikkje alltid lengda det kjem an på. Nokre kveldar får ein premien berre med å komme seg ut av døra. 

Spente på morgondagen, i ca 15 grader helling, med alle bjøllesauane i Vesterålen innenfor høyreradius tok vi etterkvart kveld. God natt!

Haveren - heilt til topps (808 moh)

19.08 Oppstart på alle vis etter sommaren. Kollegaturen gjekk til Haveren, 4. høgaste topp i Vestvågøy kommune. Vi tok oss tid og nytta ein av dei siste sommardagane med varme i sola. Fine folk og fin utsikt. Betre vert det ikkje.

Pust i lia - og teknisk stopp.

Fin sti i bratta, greit å gå og meir enn varmt nok i skuggen

Oppe på platået mellom Lisjehaveren og Sletthaveren. Fræna-kjensle her oppe. Lett å gå og topp utsikt. 

Vestvågøy med bygda Vestersand rett ned  og Eggum bak til høgre.

Borgvær

Sjarmøretappa fram til toppegga.

Rykta gjekk om litt luftig toppegg, så vi var spent på kva som venta

Flott egg og ikkje spesielt luftig. Heftig terreng, men god sti og nok plass til begge føtene

Egga bort til varden

Teambilde!!

 Jepp. Klare for ny sesong. Opplada batteri, god tru og godt samhald. Det vert dynamitt framover. Denne kjensla tek vi med til mørke haustdagar med striregn og kuling. 

Det var kjekt å komme seg heilt på toppen. 

Ryggar på alle kantar. Her er det mykje potensielt turterreng.

God stemning ned att og!

Mot Bø

Gjennom enga med sau og gås på alle kantar - fin start og slutt på turen

Haveren har blitt ein av mine favorittar i Lofoten! Artig og variert tur og fin utsikt. 

Link til kart og turskildring på ut.no

Link til Haveren-turen i mai

Løva (639 moh)

18.08.16 TILBAKEBLIKK
Løva er eit av dei markerte fjella i bakkant av Svolvær. Eit perfekt turmål på ein varm, tørr og nydeleg augustettermiddag. Siste rest av sommar. Sti langs lange ryggar med litt enkel klyving og nokre luftige parti. Fabelaktige rundskue heile vegen.

Svolvær frå lille Kongstind

Mot Løva frå Kongstinden. Ho ligg der og brølar. 

Tjelbergtinden og Kabelvåg

Nordaustover mot fjellrekka mellom Austnesfjorden og Raftsundet

Tilbakeblikk mot store Kongstind og ryggen vi har gått

Litt klyving og litt høgdekjensle på meg på veg bort til toppen. På ein slik tørr og fin kveld var det ikkje noko problem. Heilt vindstille og kveldssol på toppen. Herleg å berre nyte utsikta i shorts og korterma. På heimvegen var dei bratte partia enklare. 

Frå lille Kongstind mot store Kongstind - ein veldig fin rygg!

Teambilde!

Løve i solnedgang

Vakkert heilt ned til bilen.... Litl Kongsvatnet. 

Svarttinden (767 moh)

17.08.16 TILBAKEBLIKK
Sommaren var på hell og arbeidsmengda tok seg opp. Kvar ein fin solskinnsdag kunne potensielt verte den siste på lenge. Det var difor lett å prioritere og stikke ut på tur rett etter jobb. Per og eg hadde snakka om Svarttinden heile året. Tinden er det høgaste fjellet på Gimsøya og er kjent for bra utsikt. Denne ettermiddagen vart vi ein heil gjeng på tur, så det vart både sosialt, trim og flotte opplevingar - reine kinderegget.

Ikkje noko tydeleg sti - og typisk Lofoten med høge kneløft rett frå bilen. 

Puh! Effektive høgdemeter, hjartet slår og lungene jobbar på. 

Vi kikka over kanten på Sundklakktinden og fekk første glimt av Svarttinden. 

Herifrå vart det berre magisk. Sjølv om vi høyrde ein og anna bil frå E10 så var det som vi gjekk inn i ei anna verd her oppe. 

Fotostopp! På verdas tak - den kjensla! 

Rygg etter rygg. Gimsøya og Hoven bak. 

Siste etappe - ein bratt grasbakke og meir høge kneløft.

Tilbakeblikk mot vest - i skaret her kom vi opp

Ingrid! Breie glis på alle saman. 

Vestover - lag på lag. Himmeltinden stikk opp til høgre. 

Søraustover mot Henningsvær og Vågakallen. Kveldsmat i sola. 

Det var dagen for ein runde. Vi gjekk ryggen ut til neste topp, Barstrandfjellet (697 moh).  

Tilbakeblikk mot Svarttinden

Lyset skifta frå minutt til minutt. Disen kom sigande. Det var så vakkert. 

Solnedgang over Gimsøya

Vi sjekka litt ekstra i terrenget sidan det var ein enorm flokk med ramn i fjellet. Vi fann heldigvis ingen ting. 

Månen stod opp i nord

Sola gjekk ned i vest

Og vi kom oss heilskinna ned!!

Dette var ein spesielt fin tur - ein slik som brenn seg på minnet og vert verande der. 

Ballstad rundt i kajakk

16.08.16 TILBAKEBLIKK

Merete inviterte til Ballstadpadling, og vi fann oss ein fin kveld i august. Turistpadling i hamna og utsjekk av gamle fyrtufter på Svinøya var planen, med test av tørrdrakt undervegs.

Merete med "byfjellet" Skottinden i bakgrunn

Innover mot Hattvika

Her har det vore hamn og fiskevær i  minst 1000 år, og framleis er det eit aktivt fiskerimiljø. Ballstad slipp er ei av dei største verksemdene i hamna. I tillegg er det ein del turisme og utleige her. Ballstad har i overkant av 1000 innbyggarar og dei innfødte eg har møtt er veldig glade i og stolte av bygda si.

Under brua i Kremmarvika var det sterk straum og mykje artig å sjå.   

Vanleg korstroll (sjøstjerne)

Sjønellik (t.v)

Svartstjerne (slangestjerne)

Dødmannshand (blautkorall). Foto: Merete

Lykta på Svinøya erstattar fyret som stod her til 1956

Murane står att - husa vart seld då fyret vart lagt ned. 

Ballstad fyrstasjon. Foto: Kystverket

Værøy til venstre, Mosken og del av Moskenesøy til høgre. 

 Mot Mortsund

Flakstadrekka i all si prakt og Brurstolen (t.h)

Det vart blankstille, blåtime, solnedgang og måneskinn på ein gong. Vi vart aldeles andektige på

heimvegen.  

 

10 innhaldsrike kilometer

Dessutan fekk vi plusspoeng for å øve på redning. Merete demonstrerte også imponerande balansekunst, då ho berre steig frå berget med ein fot ut i kajakken og sette seg elegant ned. Note to self: heim og øve opp balansen!