Nordheia/Vinjeaksla 599 moh

18.04 SMS: Er du interessert i kveldstur med sol heile vegen? Sjølvsagt var eg det, og turen gjekk til Nordheia på Gimsøya. Flott landskap og ei nydeleg kveldstur. God sti heile vegen i skikkeleg heilandskap - ikkje berre rett opp ura som ein del andre stiar i området.

Himmeltind i himmelsjå

Hoven frå heia

God sti i lettgått landskap. Minner om heimefjella i Fræna.

Varm saft på toppen og flott utsikt til alle kantar. Varmt i bakkane men iskald trekk på toppen. Ikkje heilt sommar riktig endå.   

Mot Vesterålen og Gaukværøy

Møysalen i det fjerne

Magisk kveld og sol heile vegen som lova!

Mobilbilde på veg heim:

Lofotkatedralen/Kabelvåg kirke i kveldssola

Takk for turen Per og Siri!

Rundfjellet (803 moh) via Kudalsheia og nordryggen

17. april - Søndagstur! Venners venner tur og endeleg vart det Rundfjellet. Mange har snakka mykje om dette fjellet, og skildringane varierar frå topp tur til keisamt og langdrygt. Vi skulle gå frå nordsida, og der var det snø og ski frå parkeringsplassen.

Start og snø frå parkeringsplassen. Toppen ligg baki der.

 

Skikkeleg vårskitur, breie glis og toppen bakerst.

Kjekt med AVkledningspause på tur!

Kudalsheia

Nest siste ryggen. Flott terreng!

På kanten var det utruleg flott

..og vi fekk denne utsikta då vi kikka over kanten.

Siste ryggen gjekk vi på føtene med skia på sekken. Det gjekk heilt fint til øverst der det var to skritt med skrå bakke. Eg vart veldig feig og tok på stegjarn for dei metrane, men såg etterpå at det kanskje ikkje var heilt naudsynt. Flott på toppen, sol og vakkert. 360 graders utsikt. Dette fjellet har mange ruter og nedfartar, og vi snakka om å dra ned sørflanken og gå opp att til toppen. Etter mykje om og men (beslutningsvegring) delte vi oss i to - og eg og Anja for ned same veg som vi kom.

Hoppebildeseongen er innvilga!!

 

1,2,3 HOPP!

Vestover frå Rundfjellet

Frå varden og austover med øyene Store- og lisjemolla

Flott nedfart og vi fekk fleire hundre høgdemeter med godt føre. Hard skare i botnen, men vi kom oss til bilen med skia på. Dei andre kom ned eit minutt før oss, og hadde også hatt ei flott nedkøyring. Det vart ikkje sørflanken på dei heller.

Vi vrei dei siste dråpane ut av søndagen, tok ei brus i solveggen på Prestengbrygga i Kabelvåg og runda av med teambilde i våren med alle 5. Hyggeleg dag!

:) Humøret held seg i timevis etter ein flott søndagsskitur!

Rundfjellet har så mange kantar og moglegheiter, så hit vert det fleire turar.

Torskmannen (755 moh) og Svolværstemning

10. april. Gråare dag enn vermeldinga. Vi satsa på Torskmannen, og at alle skulle rekke sine respektive fly sørover.

Toppen på Torskmannen 755 moh til venstre

Grå dag - vått og laust i botnen og stadig hardare oppover flanken. Skarejarn er fantastisk!

Utsikt fra toppen mot Breitind

Siste metrane mot toppen fra sadelen med stegjarn. Mørkdalsvatna.

Det var spor ned på vestsida. Det såg ut som ei fin side å stå på ski med lang marsj ut. Potensiell "gå-over-fjellet tilbaketur?

Delp, Grunnførfjorden og surfeparadiset rett vest! Gaukværøya i horisonten.

Austvågøya er krinklete og krokete, og eg vert alltid overraska over korleis geografien heng saman,

Ned ryggen.

Eg kom meg ned. Etter 3 dagar på ski var det ingen musklar att. Det var hardt, sporete, og lite som minte om skikøyring for min del. Godt vi ikkje får stilpoeng på tur. I botnen var det kjempelaust og slusjete. 735 klønete høgdemeter ned er notert.

Kristin rakk flyet med god margin. Gunhild og tok ein sightseeing i Svolvær før ho skulle fare. Det er fint å gå utover Svinøya og moloen og kikke på hjellane, byen og fjella.

Torskehovuda er akkurat så ekle som det ser ut som og stinkar!

Svolværgeita kneisar over byen.

Fiskarkona - som vinkar farvel og håpar å få fiskaren heim att

Nett som fiskarkona vinka eg gjestane heim, og håpar å få dei på besøk att - her eller der! Veldig kjekk og aktiv helg!

Geitgaljen (1085 moh)

9.04.16 Strålande sol og blå himmel! Vi sette kursen mot Geitgaljen. Som forventa gjorde resten av Lofoten det og... Norrøna hadde teambuildingssamling, og stilte med 4 grupper derifra. Ein folksom dag på fjellet med andre ord. (Eit lite arbeidsuhell med å innstillingane på kameraet, og minimal oppløysing på bilda.)

Skiløype, sti og skibæring i ca 45 minutt

Ser uframkommeleg ut frå botnen

Skibæring i første bratta

Nydelege dalar og alpint landskap openberra seg

Ulikt utstyr, ulike føresetnader og kanskje også kommunikasjon vart ei utfordring denne dagen. Det var greit f.eks greit å ha skarejarn. Ingrid sklei ut og vurderte å snu. Ho ombestemte seg og kom etter opp bakkane. Veldig kjekt at det vart slik, og når enden er god osv ..!

Godt oppe i dalen, Austnesfjorden.

Kvittinden på andre sida av fjorden

  

Høgare oppe i bakkene. Nye grupper på veg opp. Mot Laupstad

Siste to bakkane, bratt og brattare.

Frå lågaste sadelen (ca 920 moh) eller snøfonna eller kva ein skal kalle det. Allereie her var det ei fantastisk utsikt og eit rått landskap på alle kantar.

Her vart det på med stegjarn for meg og Kristin (i fin solidaritet! - Takker!)

Ser folk og "The Ingrids" nede på sadelen.

Eg snur her.. ca 1020 moh.

Kristin og Gunhild gjekk heilt opp. Det var hardt, bratt og veldig mykje folk allereie på toppen eller på veg opp. Eg fekk nok her og venta på ca 1000 moh. Ikkje dårleg utsikt der heller!

Vestover Lofoten

Trolltindan og Vestfjorden - fastlandet bakerst

Tøff skulpturtopp på ranen mot Higraftinden

Hit og berre hårfint lenger. Godt nøgd!

Gunhild køyrer ski frå ca 1000 meter - det ser så lett og lekkert ut!

Folk på veg opp og mange har sett signaturen på veg ned

Sol, fint føre og herleg dag. Flott nedkøyring. Eg gjekk eit heng med stegjarn (heilt unødvendig, men litt lam i beslutningsøyeblikket) og elles kom vi oss heilt end til skiløypa på ski!

Fin-fin avslutning på dagen!

Aprilbad i fjorden var prikken over i-en. Det var så flott her at eg ikkje gadd å irritere meg over dei siste 65 høgdemetrane ein gong. Per sendte trøystemelding om kvelden: Vi går helt opp på Geitgaljen i sommer :) Så det så.

Vill natur og mykje å passe på. Greit å gå her på stabile forhold og skredfare 1.