Viser innlegg med etiketten #Friluftslivetsår #Månadstelting. Vis alle innlegg
Viser innlegg med etiketten #Friluftslivetsår #Månadstelting. Vis alle innlegg

torsdag 23. juli 2015

Vågsøy rundt - del 2. Kråkenes og Kannesteinen

13. juli. Vi var framleis tørre i håret etter avgang Skongsnes. Det var lite dønning og perfekte forhold for å padle eksponert. Første post var Vedvika. Så sette vi stø kurs mot Refvika. Flott strand og her skulle vi i land uansett om ikkje anna for å nyte ei enkel landing på turen!   

Playing tourists and going around the Island Vågsøy. Visiting the beach Refviksanden and Kråkenes lighthouse. Difficult to land the kayaks at Kråkenes. Great view at the lighthouse! We completed the most exposed part of the circumnavigation west and south of Kråkenes. There was pretty large conditions even on a calm day with no real swell. We were passing the seabird sanctuary at  Einevarden and the famous rock "Kannesteinen". Over a delicious meal in the sunset we summed up a lovely day with great paddling.

e
Vedvik - vindmøllene på Mehuken 

Refviksanden

Refviksanden er diger og ei nydeleg strand, med campingplass og toalett innenfor sanddynene. 10 grader og grått, men framleis både bubilar og badegjestar. Litt Nord-Norge stemning inne i bukta her. Snack, somling og hoppebilde. Organisering av møbeltransport. Om alt går vel finn Britt nymøblane sine i garasjen etter turen..

Snirkling utover mot Hundsneset. Mykje å sjå i grunn. Fint ver, men enkelte vindrosser gav litt motstand. 

Stor variasjon - skarveberg og fossefall

Naustrekka på Kråkenes

Vi var usikker på kvar vi skulle freiste å gå i land på Kråkenes. Naustrekka hadde kai med vinsj og elles bratte berg. Ved moloen til Kråkenes fyr var det stupbratt på alle kantar. Vi padla rundt og inn i bukta ved Brattholmen. Det var ikkje mange INNLYSANDE plassar å gå i land, men vi er ganske løysingsorienterte. På ein (normal) dag med dønning trur eg ikkje dette er like "lett". 

Landing Kråkenes fyr!

Vi ofra litt gelcoat, heiv opp kajakkane i storsteinane og var veldig godt nøgd med oss sjølve. 

Teambilde! Fyr nummer 3 av 4! 

Eg har ikkje vore her ute før, så ekstra stas å komme med kajakk. (Britt og Nina har overnatta i brudesuita før og er gamle kjenningar her ute) Kråkenes fyr var stengt og lukka, så våre planar om å fråtse i vaflar og souvenirar gjekk i vasken. Det var likevel flott å sjå seg rundt der ute, og vi fekk eit greit blikk på neste etappe. Yttersida! 




Quiz: Finn tre kajakkar. 

Om eg skal halde fram å ture til slike plassar må eg verte flinkare til å reparere gelcoat. Det slit litt på overflata å bakse fulle kajakkar her ute.


Varm lunsj og middagslur på berga. Det kom nokre vindrosser og vi hadde god tid. Deileg! Høgkvalitetsferie. 

HÆ??? Andre padlarar?? Vi var rysta. Var det andre enn oss som var tøffe nok til å ferdast her ute??

Desse hadde hjelm og dreiv med rockhopping. Vi tippa at dei ikkje hadde like fulle kajakkar som oss. Vi traff dei seinare på yttersida, trivelege trønderar som hadde flykta frå skoddeheimen i fjellet. 

Etterkvart var det tid for yttersida. Sjølv på ein stille dag var det store forhold der ute. Det vart omlag vindstille, men relativt mykje bevegelse. Korleis det er på ein dag med skikkeleg dønning kan ein berre fantasere om. Utfordringa her er 5 km strekk der det ikkje er mogleg å komme i land. 

Skikkeleg havpadling. Det var ikkje riktig like flatt som på bildet..

Einevarden

Einevarden skal vere fuglefjell og freda. Det var utruleg daudt då vi nærma oss frå nord. Nok eit utdøydd fuglefjell tenkte eg trist. Brått var det krykkjer, lunde og lomvi på alle kantar. Ikkje skrekkeleg mange, men nok til å kallast flokkar, og til å sjå at fjellet ikkje var daudt. Kjekt. 


Innover mot Kvalheimsvika fekk vi skikkeleg surf. Stor medsjøpadling. Artig. Veldig artig. 

Hendanes fyr til venstre og Klovningen til høgre. Bremangerlandet midt i. 

Nina og Kannesteinen. 

Skikkelege turistar tek med seg alle attraksjonar. Kannesteinen er kanskje meir spektakulær frå landsida. Her vart vi litt handlingslamma. Det var på tide å ta kveld, men kvar? Heldigvis vart eg nedstemt, og vi for sørover stranda til Søroppedalen. Der fann vi nokre fine berg og slo leir. 

Favoritt på kok! Takk til Arinbjørn som lærte oss denne. Scampigryte er knallgodt på tur!  

Det vart ein slik kveld! Godt selskap, nydeleg mat, noko i glaset, flott solnedgang. Sukk. 

Mildt og fint, så eg la meg i innerteltet rett på berget. Det gjekk heilt fint, og heldt knotten ute. 


Kart dag 2 

25,5 km. Tid i bevegelse 4 timar og 50 minutt. Snittfart 5,3 km/t


tirsdag 21. juli 2015

Sommarsurf i Hoddevika

10.-12. juli Venners venner, og brått var vi ein heil gjeng i Hoddevika. Gu' kor kjekt!

Friends gathering to surf and camp in Hoddevik. Great place, beautiful surroundings and a perfect summer holiday weekend. Very small swell and a friendly surf these days- but still a lot of fun. 

Kultbygd og spesiell plass - med positivt forteikn!

Fredagskvelden kom vi frå heile Vestlandet. Kenneth var allereie på sjøen då eg kom, så det var berre å hive seg i det! Flatt hav, men likevel små bølgjer som var fint surfbare innover mot stranda. Artig, om ikkje så store forhold. 

Stranda frå sjøen

Sygni og Mildrid er klare!

Gjengen på Strandcampen.

Leikegrind for store og små. 


Mange hadde med ungane sine denne helga. Det gjekk veldig fint. Ungane dukka opp til måltid og snop og forskansa seg i campingvogna til Jon Oli og Mildrid når det regna. Eg såg ikkje anna enn at dei kosa seg. Sygni sine ville ikkje heim og overtalte mora til å vere ei natt ekstra....

Hoddevik strandcamp. Lekkert. 

Campingliv morgon og kveld. Koseleg! Kjekt at vi vart så mange. Surf og gøy på sjøen , sosialt og kjekt på land. 

Kristin diskar opp... namnamnam..

Kristin dreg fram gamle kunstar frå nord... og det vert prøvesmaking. 

Flåten klar for ny dag!

Toril i farta!

Surf! Foto: Sygni

Det var fine nybegynnarforhold, og eg såg ikkje anna enn at nybegynnarane heiv seg i det. Det vart trent på litt redning og støttetak. Våte i håret og med breie glis. Formiddagsøkt og ettermiddagsøkt. For min eigen del var det kjekt å sjå at trening gjev resultat. Eg klarte å fange mange surfar og rullene sat då eg hadde bruk for dei. Denne gongen hadde eg styring på mykje av det eg dreiv med og. Øving gjer meister!

 Ny grilling om kvelden. HELG I HODDEVIKA kan anbefalast. Det gjer godt for både magemusklar og lattermusklar. 

Søndagstur - aldri sur! 

Utover mot grotter og bratte berg. Havblikk





Utlandet? Sjekk vasking av berg på dei nederste 12 metrane...

Her ute fann vi formasjonar som fekk namn som: The Devils finger, The Cathedral cave, Lady Mary's dressing chamber, Nipple rock og The Twin vault. På det norske kartet stod det "Skåtebogen", men eg er heilt sikker på at alle som padlar ut der vil kjenne att formasjonane etter våre namn.. 

Herleg helg med fine folk! Takk for turen alle saman!

Sygni prioriterte ei økt med speilrefleksen og fekk mange fine surfebilde: Link til bloggen Glimt

Note to self: Hugs at ein treng grillar for å grille. Surf kan vere så mangt. Greit å spesifisere at det er med kajakk...

Verdas navle. 

torsdag 28. mai 2015

Olderkalven og Ytrøy - Pinsepadling i Solund 2015

23.mai AAAAAHHHHH! Brukbart ver, fine folk og ein fantastisk plass. To speilegg i magen og klar for øyhopping i Solund!

A great day for kayaking in the archipelago of Solund. In between the islands the sea was calm and the wind was tolerable. We took a look at the exposed westside of the outer islands. The lighthouse of Utvær is the most westerly point of Norway. We only got a glimpse of it from afar. Next time, then... Great sightseeing and a lot to see - everywhere. Clear waters and a lot of colorful creatures to see under water in contrast to the weathered rocky environment above. 

Padleklare på Råkeneset

Små padlarar i stort landskap (Foto: Kristin B. Bjørkedal)

I ukjent landskap, nye sund og holmar og eit fast blikk på kartet innimellom. Overraskingane og opplevingane stod i kø. Første post var eit gammalt vrak.

Vrakpadling!

Vi kryssa over til Olderkalvene og øyane der. Litt motvind og fin sjø. Alden og øyane i Askvoll i horisonten.

Kristin i fint driv. HAVpadling er kjekt

I sunda kring Olderkalven fekk vi eit skikkeleg show. Ein måse kranglar med ein ravn om noko. Ei ørn kjem og grabbar noko frå måsen. Ørn nummer to kjem overraskande bakfrå og gjev ørn nummer ein skikkeleg lusing, med det resultat at ørn nummer ein får seg ein skikkeleg dukkert. Ørn nummer to flyg triumferande avgarde med byttet medan ørn nummer to hostar og harkar og kavar seg til overflata for å etterkvart sortere fjør og vingar for å komme seg i lufta att. Alt dette ca 10 meter frå kajakken til Kristin. 

Vi satsa på Skogsneset til lunsj med utsikt ned til Indrøy. Idyll, livd og sol. Bra plass for ferie- og fritidslunsj!

Skogsneset resort

Det er lov å late seg litt på tur!

Teambilde - kartlesing. 

Fiskeoppdrett. Verdiskaping må til skal det bu folk her ute. 

Vi for til Ytrøy for å sjå på storhavet. Drøymen om Utvær var allereie lagt på is, men det var greit å få det bekrefta. I dei tronge sunda på vestsida braut det stor og tung sjø innover. Ingen stad for kajakkpadlerar i dag. Flott å sjå kreftene herje. Ein triveleg kar med ein kjælen katt gav oss mykje gode tips om leirplassar og ruta vidare. Han kunne godt tenke seg kajakk sjølv, kom det fram etterkvart. 

Mildrid testar kreftene. 
Sundet i sør om ein skal på yttersida frå Ytrøy-bassenget

Sund nr 2. Det var ruskut å leggja utpå

Ytrøy

Utvær. Det næraste vi kom i dag. Heilt greit. 


Utvær ligg der til seinare. I dag var det betre å snirkle seg ut Lundsholet og sørover Ytre Steinsundet 


Fantastisk undervassverd i Lundsholet. 
Sjønellikar (som er eit dyr..) og digre sjøanemoner med diameter på minst 20 cm 

Vi var på leit etter Grønehellaren og steinalderspor. Med informasjon frå både internett og lokalbefolkninga var vi godt rusta - trudde vi i alle fall! Vi fann kyllaren der vi trudde det skulle vere, og la på veg etter alle potensielle sprekker i fjellet. 

Du skjønnar at du har vore litt ivrig, då du brått befinn deg 120 meter over havet, i tørrdrakt, med vest og skjørt og sydvest og svetten silar... Vi fann i grunn ikkje noko som vi trudde kunne vore den hellaren. Så send gjerne tips og bilde av staden om nokon har det.

Fin utsikt! Vi tek HMS'en på alvor og køyrer rednignsvest også på fjelltur!

Synkronpadling

Ein lang og innhaldsrik dag. Proppfull av inntrykk. Det var godt å lande på nordre Geilneset. Fin teltplass, litt vått etter to dagar med ekstremnedbør tidlegare i veka.

Leirliv

Kjapp bacalaomiddag (boksmat er undervudert!) og båling. Bra dag. 

Kart dag 2


GPS info: 25 km. Total tid 10 timar og 16 minutt. Tid i bevegelse: 5 timar og 40 minutt. 
Snittfart tid i bevegelse 4,3 km/t. Maksfart 7 km/t