Gøy og grundig på Godøya

1. mai Bonusfridagane i mai må nyttast på beste vis, og etter litt om og men vart det Godøya. Sjølv nestan utan svell i sjøen er det morsomheiter å finne her ute, og strandlinja mot sørvest har spennande steinformasjonar som ein kan snirkle og krongle seg inn i og i mellom. Kjekt med ny konstellasjon av padlefolk, og det vart erfaringsutveksling frå ulike ståstader - dessutan er det eit godt utgangspunkt for å fortelje alle dei gode historiene ein gong til! Eg trudde på førehand at det vart enten leik eller turpadling i løpet av dagen, men jaggu vart det begge delar inkludert fyrsafari og cirkumnavigasjon. Eg må begynne å trimme meir om eg skal halde tritt med denne gjengen!

Ta-rei! Ut på snirkletur med utgangspunkt Alnes

Flott fyr - som alltid!

Langs land ut mot Lestaskjeret. 

Dramatisk natur og breie glis. God stemning. 

Bittelitt action på Lestaskjeret...Men nok til å kjenne på kreftene.  

Innimellom og rundt kule formasjonar

Grottepadling

Ups. Fanga i fella. Klarte å sjarmere meg forbi manngarden. 

Med lavt blodsukkernivå og aldeles på overtid vart vi einige om matpause og beinstrekk på Høgsteinen fyr.  

Høgsteinen fyr - landemerke som eg ser i frå stova

Eg har ikkje vore inne i dette fyret før. Det var skikkeleg tårn-stemning, med murstein, flassande murpuss, trange vindeltrapper og tjukke veggar. Eg såg for meg Rapunsel med flettene oppe i glaset. 

 

På toppen av Høgsteinen. Veldig bra padlegjeng! Blide og kjekke karar altså! 

Sukkertoppen

Lunsj - eller nons alt etter kor ein ser det. 

Avgang

Vi klarte å berekne det slik at vi fekk vindrossene i forkant av den EINE regnbyga midt i fleisen på veg heim. Seige kilometer. Det var kanskje ikkje SÅ mykje vind, men det er evigheiter sidan eg padla i motvind, og eg er jo litt for lat til å synes det er kjekt. Trimmen fekk vi,  og tilbake i hamna hadde vi full runde rundt øya og utruleg mange fine inntrykk frå svell og stein og fyr undervegs. Ei redning fekk vi og prøvd oss på - og mairulla på godsida er i boks. 

Takk for turen! 

Ca 20 km

Godøya: namnet kjem av heiden gud og fortel truleg om heiden gudsdyrking på øya (stadnamnleksikon)

Påskesolopadling rundt Valderøya

28.03 Litt sliten og utan nemneverdig lungekapasitet vart det padling. Nydeleg dag, og det er verd å nyte flott natur på eigen dørstokk og. Vår i lufta, sjølv om det var minusgrader.

Hestehoven bryt seg fram gjennom grusen 

Gjøsundet - klar for padling

Kul båt.  

(Rørleggingsbåt, kan jobbe på opp til 3000 meters djup og ha 120 mann ombord.)

Kjeholmen

Påskeøya Godøya - med Høgsteinen fyr til venstre og Alnes fyr til høgre

Det satt langt inne, men eg måtte til pers med marsrulla.

Begge sider, check. Kaldt. 

Siste biten var det motvind, og eg gledde meg til å smette inn under Gjøsundbrua og bort i hamna. Men nei då!! Der låg det to fartøy og la kabel, med slepebåt og greier. Eg vart vinka vekk og fekk ikkje snike meg forbi. Så då var det berre å legge til land og bere dei siste 200 metrane. Kryssing av hovudveg med kajakk er ikkje ein aktivitet eg har tenkt å drive med på det jamne. Grisetungt. 200 meter med bering kostar omlag like mykje krefter som 12 km padling. #uføresett

Mykje aktivitet på leira - børstemakken held fest. (Arten Alitta virens?) Kule og litt ekle på ein gong.

12 km padling og padleteknikken kjem seg dag for dag. 

Påskeøya Godøya

26. og 27.03 Heimepåske og litt lite energi. Det er då det gjer ekstra godt med skikkelege påskegåver. Den beste i år var pause i vegarbeidet og open tunnel til Godøya! Eg var ute der to heile dagar og dingla rundt. Flott turterreng. Vårens første is. Sol, hav, fjell og svaberg. Nydelege solnedgangar. Iskaldt på toppen. Lunt i solveggen.

Mot Ålesund og Sukkertoppen. Høgsteinen fyr.  

God sti heile vegen frå Juv og opp på Storhornet. Lite pust i motbakkane, så det tok si tid. Iskald vind på toppen, men krystallklår luft og veldig god utsikt

Mot Herøy og Stad. Seinare på dagene gjekk eg stien langs kanten her. Godøya sin mini-bessegg. 

Sulafjorden

 Her ligg fyra på rad og rekke og markerar leia og kysten. Alnes, Erkna og Storholmen som ein bitteliten prikk der ute.  

Giske og Valderøya

Surfestranda på Alnes. Interessant forflytning av sand. 

Lestaskjeret med Runde i horisonten

Dagen etter gjekk eg langs stranda nede her. 

Alnesvatnet og Storhornet. No har eg gått heile runden og skal berre ned att til bilen. 

Dag 2 gjekk eg og over Storhornet, men ned til Alnes og stranda tilbake til Juv. Det var faktisk litt lenger enn eg hadde tenkt, så eg var sliten på slutten. Men nydeleg! Artig å gå etter ruglete svaberg langs stranda i kilometervis. 

  

Alnes hamn med kvalbåten

Vår i naustveggane på Alnes

Alnes fyr (ofte med kaffi og kaker)

Surfestranda har fått juling, og det er meir stein enn strand for tida. 

Einsleg surfar som prøvar seg. Bølgjene hadde vore perfekt for rustne kajakk-surferar og. 

Tilbakeblikk på fyret

Magiske solnedgangar (frå Kvalneset på Giske) sette punktum for desse fine påskedagane ved kysten.

Sola går ned bak Alnesrauden

Erkna fyr

Storholmen fyr

Kula har gått ned bak horisonten - siste strålar.

Støtt gjerne arbeidet med å tilrettelegge stiane på Godøya: 

Liten runde: 11 km

Stor runde 18,5 km

Ca 500 høgdemeter.