I vår vant eg tur til Svinøy fyr. Kristin hadde flybillett sørover og alle hadde satt av helga. Det kom difor som eit lite sjokk då Svinøy-turen måtte utsettast på ubestem tid. Nødløysinga vart å nytte seg av fyret som bedriftsidrettslaget (KyBIL) disponerar. Vi for til Bjørnsund! Det var skikkeleg ruskever og meldt storm på laurdagen. Noko som eigentleg er ganske perfekt å oppleve frå ei øy i havgapet.
Fyrturistane på kaia i Harøysund. Øybjørn går året rundt, sjølv om rutetilbodet er mindre i vinterhalvåret.
Skvalp på turen over.
Neste anløp på søndag. Til dess måtte vi klare oss sjølve.
Bjørnsund fyr!
Det er noko eige med å vere på fyr altså!
God mat, speling (escape room) og sosialt inne medan kuling og regn slo på ruta. Kvalgryte og hjort i chili på menyen, så vi lei ikkje noko nød akkurat.
Kristin hadde med skotske fyrvarer, frå fyrsightseeing der borte i sommar.
Laurdagen var det skikkeleg vind! Han reiv i kropp og klede, og sjøsprøyten slo over moloane. Vi heldt oss på toppane og gangvegane og lufta oss mellom måltida.
Humøret var det ikkje noko å seie på!
Lyset skifta stadig, og innimellom bygene klarte sola å presse nokre tynne strålar igjenom skyene.
Søndagen var det rolegare ver og vi gjekk tur over moloane til Nordre Bjørnsund
Bjørnen på Bjørnsund
- eit minnesmerke over alle dei som mista livet på sjøen mellom 1850 og 1950. Det var meir enn 40 namn på plaketten.
Kystkultur, trange smug og kvite stiar. Det budde 500-600 menneske her ute på det meste. Bjørnsund vart tvangsfråflytta tidleg på 1970-talet. Husa er godt helde ved like, sjølv om det no er fritidsbustader. Folket her ser ut til å bruke husa sine ofte og stelle godt med dei. I sommarhalvåret er det aktivitet på museumet på søre og leirskulen på nordre.
Svaberga her ute var fulle av liv. Eller rettare sagt lav. Det såg nesten ut som ei høgfjellsvidde.
Eg trur dette er Klipperagg (Ramalina siliquosa)?
Vi kom oss akkurat i hus før ettermiddagsbyga slo innover oss
Det skein opp då vi skulle fare heim, og vart fargerikt og vakkert! Bjørnsund e rein nydeleg plass!
Takk for oss!
Brukbart med vind på laurdagen. Frå vindmålaren på Ona.
Ingen kommentarer:
Legg inn en kommentar