Turleiarkurs med DNT

30.-31 mai Eg har lyst på vinterturleiarkurset til Den Norske Turistforeninga (DNT), og då er det berre å starte på kursstigen. Skorgedalsbu vart samlingspunktet for ein fin gjeng frå heile fylket. Det var spennande og litt skummelt å møte ein haug med ukjente folk. Under presentasjonsrunden vart eg imponert over kor mykje kompetanse og turerfaring som var samla i gruppa. Hest, turn, dykking, klatring, ski i alle variantar, segling, skred, jakt, hund, organisering av fjellfestivalar, telting med småsøsken og toppturguiding med blinde. Det var ikkje måte på kva folk dreiv på med! 

Bli kjent og fyring med bål og kjøkken. 

Med bållukt og sol på tunet var stemninga for helga satt. Det var ein triveleg gjeng, og folk var faktisk ikkje skumle i det heile.  

Helga vart ein fin kombinasjon av informasjon inne, ute og på tur. Tema var kart og kompass, turerfaringar generelt og tips og triks for turleiarar. Grunnleggande informasjon om DNT som organisasjon fekk vi og.

Ut på tur!

Dag 2 - skikkeleg vått men HUMØRET var det ikkje noko å seie på. 

Dag to var det gruppearbeid med turplanlegging og gjennomføring. Det vart våtare og våtare, utan at det la ein stor dempar på stemninga. 

Vått på Løytnantstøylen

Det er i grunn det turleiing handlar om: å vere på tur i lag, dele fine opplevingar, la folk få meistringskjensla og ha noko lunde kontroll på tryggleik og navigasjon. 

Oppsummert inntrykk av helga: 

Enten er turfolk kjekke folk eller så vert ein kjekk og grei av å gå på tur!

Link til Molde og Romsdals turistforening si omtale av helga.  

Takk til Sven og Håvard for kursinga! 

Blånebba (1320 moh)

Søndag 8. september. Indian summer. Varmt og fint. Siste turdag i Romsdalen. Vi slo til med eit utal variasjonar av Romsdalseggen. Eg vart med på Blånebba-gruppa. Her får ein maksimalt fin utsikt over Romsdalen. Heile Romsdalseggen har eg jo gått før.

Blånebba sett frå Vengjesdalssætra (380 moh) om morgonen. 

Inn dalen og opp på ryggen er "transport", og eg kom i grunn ikkje på å ta opp fotoapparatet. Det var så varmt i bakkane at eg nesten rann vekk. Deilig med ein bris i høgda. 

Oppe på kanten. Ryggen bortover mot toppen av Blånebba og Vengjetind bak.

Utsikta og opplevinga på kanten her er ein av mine absolutte favorittar. Frå ei heilt alminneleg ur som kunne vere kor som helst bikkar ein over kanten og får den beste utsikta ein kan tenke seg. Rått. 

Siluetten av Romsdalshorn

Oppsann. Trollveggen gitt. 

Teambilde! Kjekk gjeng å vere på tur med!

Oppover og ut Romsdalen

På toppen!

 

Frå alle fjell ser ein nye fjell... Juratind freistar i horisonten. På ønskelista.

 

Fotogene fjell og dramatisk natur. 

Beina og praten gjekk lett på turen ned. Det var skikkeleg sommarvarme. Nokre av oss unna oss eit bad i Venjedalsvatnet etterpå. Frisk men deileg!

Flott bursdagshelg med Kristin og gjengen i Romsdalen! Takk for turen!

Link til dag 1 og tur til "Mannen"

Mannen (1291 moh)

6-8. september inviterte Kristin til bursdagsfeiring i Romsdalen. Konseptet var tur, god mat og godt lag. Basen var Villa Vengjetind. Det var ein blid og fornøgd jubilant og gjeng som kosa seg med Romsdalsfjell og heimelaga kortreist mat.

Vermeldinga laurdag var sol og 20 grader, så det var ein litt hustrig gjeng som starta i faktisk ver som var duskregn og 10 grader på Trollstigen.

Start frå Trollstigen med Bispen bak. 

Flott innover dalen - ved Alnessteinen

Alnesdalen var flott, ganske flat og lang. 

Etterkvart såg vi "Mannen" som ein slags varde oppe på ryggen. Greit med målet i sikte.

Med turklede i alle variantar var vi eit fargerikt "fantefølgje" i fjellandskapet. Det vart berre varmare og finare utover dagen.  

Mykje stein, men og flotte haustfargar. Stigbotthornet.

På "Mannen" var det ei arbeidsbrakke og mykje installasjonar. 

Heile fjellmassivet er i rørsle og store delar av det hamnar sannsynlegvis nederst i Romsdalen i løpet av dei neste 100 åra. Det er difor døgnkontinuerleg overvåking med tilhøyrande varslings- og beredskapssystem. 

    

"Mannen"

Det er skikkeleg "WOW-faktor" å komme opp på kanten. Her ser ein rett ned i Romsdalen, rett over på Romsdalshorn og bort mot Trollveggen. Luftig på kanten, toppa med spenninga om at ein står på ein gravitativ deformasjon. Intet mindre.

Nokre i bursdagsselskapet hadde teke med "sprudel" på toppen. Fin overrasking for jubilanten og ein flott måte å feire på. God idè og strålande gjennomføring! Det var skikkeleg stas då Siri smelte av korken utover Romsdalen....

"Jurasprudel" og sprek jubilant. 

(Juratind er altså ein anna kul fjelltopp i området, for dei som ikkje tok'an på første forsøk)

Det er så mykje snakk om desse tre F-ane når ein vert førti. I Kristin sitt tilfelle så står dei nok for Frisk Freidig Fjellfant. 

Utover Romsdalen

Romsdalsjump! (Foto: Kristin)

Breitinden (1797 moh) nærast

Nokre gjekk om Breitinden og ned til Stigrøra tilbake. Eg vart med gjengen som gjekk Alnesdalen ut att. 

Kjempeflott tur som vart runda av med ein dukkert i friskt fjellvatn.

Takk for turen!

Link til dag 2 - tur til Blånebba

Påsketur på kyststien på Nordneset

Palmesøndag med nydeleg ver. Tre generasjonar Gjelsvik rotta seg saman om søndagsturen og gjekk Kyststien til Nordneset. Dette er ein fantastisk fin tur i stort landskap, med både strand og brytande hav undervegs.

På veg utover stien

Vårteikn! Endeleg!

Mamma og Bjørg Marit på lykta.

Nordover Hustadvika mot Kvitholmen fyr

Kaffikos, drøs og fregneavl i "bussen".

Majestetiske Stemshesten

Påskepangstart på Skaret

Oppskrift for å få ein god og lang påskeferie: Start tvert palmelaurdag med søstersen og eit utval av søskenbarnflokken. Ta i mot grillpølser frå mor. Pakkliste: Fyrstikker, appelsin, tollekniv og blå swix. Gå passleg langt og fnn ein perfekt rasteplass i le for vinden.

Ronja er klar for å lufte Synnøve og Ingrid.

Alt på stell - varm lunsj

Flott skiterreng på Skaret

Kor påske er det med appelsin ute? Endeleg varmt nok i sola til at ein orkar å skrelle utan å få naglebet.

Team Gjelsvik - tema påsketur

Heile teamet var eit stort glis etter å ha rent nedoverbakkane i enten preppa løyper eller pudder tilbake til bilen. Påska 2013 er med dette offisielt opna!

Det er flotte ski- og friluftslivanlegg på Skaret. Her ved Skarstua, Hoppbakken og Tusten (alpint): No skal det og verte samlingsplass for jeger- og fiskeforeninga her oppe.

Kyststi og myrvandring

10.-11 mars var det storfamiliehelg på Skarsethelg. Iskald, men strålande sol, så vi måtte stikke snuten ut midt på dagen.

Laurdag var vi tre generasjonar på Kyststien på Farstad.

Damene på tur over sanddynene 

Flott på Farstadstranda

Link til bilde frå lykta på Nordneset på mamma sin blogg.

Søndag for vi i myrane. Det er eit område med nydyrking der som vi likar å studere med jamne mellomrom.

Vårsøg! Start ved Sagelva

Myrlandskapet er flott på sitt vis

Vårsøg! Ruggelva ligg på andre sida av nybrottsfeltet.

På ein haug ved Ruggelva er det ei turbok. Og her møtte vi drøssevis med folk. Dei kom frå Male, og vi vart freista til å gå stien vidare mot havet.

Hustad kyrkje - berre eit steinkast unna!

Ny vinkel og brått ser ein jo at kyrkja verkeleg er eit signalbygg.

Fin kjerresti til Male, og det var jo berre eit lite stykke å krysse myra dit.

Vår i lufta og vår i hovudet - hoppebilde!

Sesongens første!

(Stilen kjem seg nok utover i sesongen, førebels litt mykje fokus og bekymring knytt til landingsfasen)

Karianne

Mamma og Anne i fint driv!

 Det er artig at dei snokar opp nye turar og stiar i området som eg kan teste når eg er heimom.

Herleg med vår!

(MEN på måndag var verda kvit att og eg vassa i 15 cm nysnø på jobb...)