mandag 30. november 2015

Valderøya Julespesial - skitur i havgapet

22.11 Medan alle andre førebur seg på advent og jul, førebur eg meg på ny jobb og flytting. Litt greit, og litt trist. Eg likar adventstida. Men det er plent umogleg å pynte og flytte samstundes. Sidan eg allereie er på etterskot med alt, så ser eg nokre avgrensningar der. Fredag fekk eg på vinterdekka, og det kan ein seie var "just in time". Fredag kveld var det kvitt på bakken og laurdagen lava det ned. Eit herleg vestlandsk nullføre og for nokre mengder snøv det vart! Sjokk 1: Det ER snart jul. Sjokk 2: Det kjem til å vere SNØ om vinteren i Nord-Norge med alt det dragset som høyrer med.

Søndagen var det definerte byger og herleg vinterlys i mellom. Eg fann ski i boden og fekk sjokk 3: Ikkje klar til å gå på ski - må fikse av med voks, på med smøring, lim på feller m.m Då eg endeleg kom meg avgarde var noko av magien vekk. Eg satsa på topptur på Valderøya, og det vart strabasiøst. Det var snø til over knea, heilt mjuk snø. Snø fullstendig utan bæring. Det har vore snakk om manglande "såle" på diverse fjelltursider. På Valderøya var det ikkje berre manglande såle, det var så blautt i myra at eg sank nedi sjølv med ski! Bortsett frå der det var berg, der sank eg ikkje nedi, men skrella stålkantane så gnistrane fauk. Det var rimeleg tungt med 40 cm snø og 10 cm myr som skulle forserast for kvart steg, og eg var sjeleglad for at eg ikkje skulle så langt. Mot toppen fekk eg den interessante øvinga med gjennomslag i snø, deretter gjennomslag i meterhøg einer. Signalen var målet, og den fekk vere topptur god nok! 

Eg held varmen, og det var hyggeleg med ein Valderøya julespesial, sjølv om det gjekk på kreftene laus! 

Kamuflert byggefelt og noko så eksotisk som ein snøfresar!

Idyll å sjå til

Eg nektar å la meg psyke ut av dårleg føre

WOW!!

Vintersol på Gamlemsveten

Valderøya Julespesial

Til topps med ski! 
Ja, det klabba. Det var akkurat like kaldt på toppen som på ein 1000-meterstopp. Det vart ikkje noko fart ned att heller. God meistringskjensle likevel. 

Varden på toppen

Det magiske lyset forsvann i ei byge. Sjeldant syn med kvittkledde øyer i Giske. 

Godøya

4 kommentarer:

  1. kor flinke du er lell ...

    her blir det nok ei stund til skia skal fram -- håper eg

    ha ei fine adventstid -- monikaklemma

    SvarSlett
    Svar
    1. Ei fin adventstid til deg og! Ser du er i rute og prioriterar fjellskoa innimellom! :)

      Slett
  2. For ett mot du har, hadde gitt opp når jeg så hvordan skiene så ut! Men så er ikke jeg noe flink til å gå på ski, det blir bare tungt og kjipt når man ikke kan. Lykke til med flytting, er ny på bloggen din så jeg lurer på hvor du flytter? Titter gjerne innom her igjen og legger meg til som følger. God nytt år, håper du får ett flott 2016!

    SvarSlett
    Svar
    1. Godt nytt år! Flytter til Lofoten for ett år. :) Gleder meg til å utforske nytt flott område.

      Slett