Lene sin!: Gjesværstappan - Pinsepadling dag 1

lørdag 14. mai 2016

Gjesværstappan - Pinsepadling dag 1

13.-14. mai 2016. Pinsepadling har vore avtalt i lang tid. Denne gongen var eg nedlesst i arbeid og måtte lite på at dei andre tok seg av planlegging og vermeldingssjekk. Fredag 06.00: Opp og pakke som ein gal. 08.00 Full bil. Kajakk på taket. Køyr! 13.30: Bardufoss. Feriestemninga seig på. Kjøp av solbriller, farging av vippar. 16:00 Møter KRISTIN i Tromsø. 18.00 Ombord på Hurtigruta. Gjengen sig på ein etter ein. Feriestemninga tek av og eg sklir rett inn i klientellet på Hurtigruta med fotoapparat og begeistra hurrarop.

Lopphavet 23.58

I midtnattsolas rike og premierefest på årets sesong her. Transportetappe 2 på M/S Midtnattsol.

Turlivet er hardt. Transportetappene tek på.

Mellom mykje stein har folk klort seg fast. Stopp i Havøysund (t.v) og endestasjon for oss i Honningsvåg (t.h).

I Honningsvåg var det mangt som måtte gjerast og vi dingla rundt der heile ettermiddagen. Heisreperasjon, guida tur i sentrum, eting av is og test av middagen på Corner (restaurant). Beste fiskemiddagen på lenge. Terningkast seks.

Første glimt av Gjesværstappan

I kveldinga var sol, vind og flo på vår side og vi la ut i frå Gjesvær

Klassisk pakking av kajakkar.

Gjesvær sentrum. Krykkjene vinka oss avgarde.

"Stappane" i horisonten. Nydeleg kveld.

"Gjesværstappan er ei øygruppe i Nordkapp kommune i Finnmark, ved fiskeværet Gjesvær på Magerøya. Nordfra: Storstappen (høyeste punkt 283 moh) med halvøya Stauren, Kjerkestappen (høyeste punkt 166 moh) og Bukkstappen (høyeste punkt 92 moh). Øyene er fuglefjell, og de er vernet som naturreservat. Gjesværstappan har Norges største sjøfuglkoloni. Blant annet har øyene en stor koloni av lundefugl og den nordligste havsulekolonien i Norge. Alke, krykkje, skarv, lomvi, havhestog havsvale hekker også i Gjesværstappan" (Wikipedia).

Sjøfugl sirklar rundt oss på veg utover

Formasjonsflyging i store sirklar for å komme inn til fuglefjellet.

Teist, lomvi, alke og noko skarv.

Skarveberg

Yttersida av Storstappen - verdas nordlegaste havsulekoloni

Havsulene har teke kvelden.

Godt naboskap?

Vi runda stappane på yttersida.

Det var ein av dei kveldane. Då storhavet spelar på lag og alt går an.

Stauren låg som ei løve på nordenden av øyrekka. Ørnene sirkla og speida.

Spennande geologi og formasjonar. Ørnvika bar namnet med rette.

Eigentleg var eg svolten og måtte veldig på do. Men når naturen byr opp til dans, må ein legge slike viderverdigheiter på hylla ei stund. Her ute vart vi ikkje berre invitert på dans, det var full fest. Lundefugl i hopetal. Sjøfugl over, under og ved sidan av. Havblikk og solglir.

Sjøfuglfest på yttersida

Vi vart omringa av sjøfugl på nytt. Lunde og lomvi i store mengder. I store sirklar flaug dei i bølgjer over oss. Alle padlarane stoppa opp, og vi vart liggjande og drive midt i augneblinken til festen var over. Magisk.