fredag 20. desember 2019

Padleloggen 2019

Her er padleloggen 2019, med vekt på turpadling/distansepadling. I tillegg kjem det nok rulleøkter og surfeturar. Målet for 2019 er variert padleaktivitet gjennom heile året. :)

Status per  20.12.2019                 746 km

Dato              Km            Stad                                 Selskap
12.01                5              Blimsanden                      R, Ø, Fredrik
26.01                5              Alnes                                R, Ø,  Frode
02.02              11              Giske                                PØV
03.02               6,5            Alnes                                R, Ø, Frode
17.02               5,5            Alnes                                K,J,R,F,Ø
20.02             12               Valderøya                         PØV, mørkepadling
03.03               5               Strandrydding og surf      PØV
06.03               6               Skjong                              Roger, Torunn
9.-10. 03         -                Hoddevika                        Øst møter vest
30.03               -               Alnes innside                    Roger
31.03               -               Alnes innside                    Kenneth, Jason
02.04               9               Bypadling                        Kyrre, Roger
5.04                14,5           Alnesraunen                     PØV
6.04                 -                Alnes stranda                   Øystein
11.04               8                Langholmen                    Sygni, Torunn, Lene
15.04               6                Lesten                              Roger
16.04              16              Kalvøyholmen                  Roger
18.04              11              Ellingsøyfjorden               Ingvild og co
22.04              14              Kalvøyholmen                  PØV
5.05                 -                Rulling                             Sygni
5.05                5                Surfing Alnes                   Kenneth, Roger, Øystein
10-12.05         -                Hoddevika                        PØV
19.05             11               Rosholmen                       Torunn, Øystein, Roger
21.05              -                Giske                                 Redningsøkt med ÅST
29.05-02.06   32              Lyngør fyr                         Venners venner
6.06               16               Kalvøyholmen                  PØV
14.-15.06       28               Lepsøya rundt                   Torunn, Roger
26.06             11                Rosholmen                       ÅST Kyrre
30.06              8                Sommarfesten Giske         Kajakkguiden, Roger
13.-20.07    250                 Valderøya - Askvoll          Nina (Øystein)
24.07            16                 Loen                                   PØV
26.                18                 Ervik - Hoddevika            Anne
25. og 27.    -                     Surf i Ervika                     Anne og Roger
28. juli         9                    Kalvøya                           Roger
31. juli         5                    Vigra                                Roger og Eli
4. august    14                    Frenfjorden                       Randi
5. august      7                   Giske snorklerek.             Roger, Torunn
6. august      4                   Vigra                                  Roger, Øystein
10.08           3                    Ellingsøyfjorden               Torunn, Roger
26.08           10                  Giske rundt                       ÅST
27.08           6                    Uksebåsen                         Synnøve, PØV
7.09             -                     Hoddevika                        Roger
17.09           3                    Alnes                                 Kristin, K, J og E
21.09           -                     Hoddevika                        Kristin, R og Ø
22.09           8                    Ellingsøyfjorden               Øystein
24.09          10,5                Kalvøyholmen                   Lene H, Torunn
25.09           6                    Mørkepadlingskurs           Kajakkguiden
3-6.10          17                  ISKGA - IM kurs       
13.10          13                   Mørkepadling                   Torunn, Lene H
15.10            6                   Mørkepadlingskurs           Kajakkguiden
19.10            8                   Havsteinen                        Roger, Grete Tommy   
26.10            3                   Alnes                                 R, Ø, I, H
7.10              6                   Vigra                                 R; Ø, I, H
9.11               7                  Ellingsøyfjorden               PØV
10.11             6                   Mørkepadling                   Kajakkguiden
14.11           30                  Kvalpadling Haukøya       Bjørn Tore, Kristin
15.11           15                  Skjervøyskjæret                 Bjørn Tore og Kristin
16.11           15                  Kvalpadling Kvænangen  BT, K og KM
22.11            5                   Giske                                 L,I og T

Rulleøkter:
12.10 - Giskesanden med L, I og T
19.10 - Giskesanden med H.

.........................................................................................................
Norges Padleforbund har eit distansemerke: Bronse: 400 km , Sølv: 800 km, Gull: 1200 km
Dette er krava for kajakk, dame og herre senior. Padlinga må skje i løpet av eit kalenderår.

Eg fekk bronsemerket i 2011, og sølv i 2018. 

Padlehistorikk samla år for år (årstal klikkbar link):
2010 - 172 km fordelt på 12 turar + teknikkurs
2011 - 535 km fordelt på 25 turar inkl. ASKR
2012 - 470 km fordelt på 25 turar + aktivitetsleiarkurs
2013 - 567 km fordelt på 28 turar + hospitant på aktivitetsleiarkurs
2014 - 590 km fordelt på 42 turar inkl ASKR
2015 - 430 km fordelt på 24 turar
2016 - 216 km fordelt på 13 turar
2017 - 246 km fordelt på 13 turar
2018 - 812 km fordelt på 57 turar inkl AWP, 17. maipadling og kvalpadling i Troms
2019 - 746 km fordelt på 60 padledagar inkludert ISKGA-kurs, sommarlangtur og kvalpadling i Troms

torsdag 12. desember 2019

Blåtimetur

22.11 Rykta gjekk om at nokon hadde sett spekkhoggar ete sel i området. Vi venta dei eigentleg ikkje før på nyåret, men heiv oss rundt. Den som vil sjå kval må på sjøen! Det vart ein aldeles nydeleg ettermiddag, og ein blåtime som berre var aldeles magisk. Etterkvart vart vi omringa av sel, over 20 stykke! Så det var ikkje matfatet som mangla. Ingen kval, men god lading av dei mentale batteria.

Kvalitetsfolk på kvalrekognosering

Små prikkar dukka opp overalt. Selen var nyfiken, men varsom.

Den korte novemberdagen gav seg ikkje utan kamp, og vintermørkret måtte jobbe for å kuppe ettermiddagen. Vi fekk oppleve ein sjeldan fin blåtime på sjøen.


onsdag 11. desember 2019

Haustsurf i Hoddevika

21.09 Haust, helg og Hoddevika! Litt av eit kinderegg! Kristin kom sørover med padlekle i sekken og leigde kajakk med Øystein. Vi jentene for ned fredagen og tok ein skikkeleg sightseeing gjennom Vanylven før vi landa på Stad Surfing. Det var mykje å sjå langs vegen! Verdas største solsikke, fisken i Fiskå, og historia om den første Sunnmøringen! I tillegg såg vi levande ungdommar som hang ute om kvelden og var sosiale med kvarandre utan elektroniske hjelpemiddel!
Karane kom dagen etter, og satsa på dagstur. - Og for ein dag det vart! Det var perfekte forhold og vi fekk masse surf! Litt bratte bølgjer i periodar, men so pass må vi tåle. Leik og moro heile dagen. Kristin tok til og med reentry og rulle i surfsona.

Å for ein strålande morgon! Høge på livet og klar for leik! 

Hoddevika. Herleg eksotisk. 


 




Veggen i mot på veg utover. Timing is everything...





---------------------------------------------------------------------------------------------

Verdas største solsikke!!

  
Fisken i Fiskå

Litt "Hotel California-spooky" om kvelden? 

torsdag 14. november 2019

Kvalpadling 2019: Skjervøy i pastell med eit hint av kval (dag 1)

14.11 Folk ser rart på meg når eg fer nordover i november. Dei fleste eg kjenner fer til Kanariøyene på denne tida. Eg pakkar for Troms og Skjervøy. Lyset i nord - rett før sola forsvinn for sesongen - ja det må berre opplevast. Veret er oftast stabilt og fint, i alle fall samanlikna med Nordvestlandet. Nokre dagar utandørs i november er balsam for sjela. Spenninga er stor, korleis vert det med kval og med ver i år?  

Velkommen til Tromsø! Foto: Kristin

Eg landar seint, og neste morgon fer vi vidare nordover. Supplering av utstyr frå Alfa Fritid, fergesvele, vintervegar, radio, småprat. Strategiar og planer vert lagt, men vi veit så inderleg vel at ved første glimt av kval - så er planane snudd opp ned.  

Den som skal på kvalpadling må tidleg opp.... 

Skjervøy 💗

Det er så vakkert her. Store landskap. Nesten ingen folk, utanom i Skjervøy sentrum. Bygda glitrar og skin, det er stor aktivitet med fiskebåtar og fiskeindustri. Her er det både husrom og alt som ein elles kan trenge. Og kvalturistar i fleng.  

Dagen er stille og skumringa går over i blått. 

Det er så vakkert at vi nesten ikkje treng kval! Store glis. Vi finn roa og tek innover oss havblikk, pastellfargar og fullmåne.

Eg har lokka med meg dei andre på potensiell langpadling. Det tek ikkje så lange tida før vi er ved Haukøya. Fantastisk formiddag på sjøen, men ikkje snurten av kval.  

Ingen hauk, men ei diger ørn, på Haukøya. 


Vi tok ein beinstrekk. Sør på Haukøya er det bratt rullesteinstrand. Denne dagen var det lett å lande, med berre småskvalpete vindbølgjer å ta omsyn til. Stive skrottar og sukk og stønning medan vi velta oss på land.   

Kva er det som skjer der borte?

Vi ser mykje båtar, både fiskebåtar og turistbåtar. Vi veit at det MÅ vere kval der. Då ser vi eit par finner komme innover sundet mot oss. Pausen vart avblåst og smidige som panterar hoppa vi i båtane og kom oss på fjorden att. 

Ei stor gruppe spekkhoggarar for forbi, utan at vi fekk noko nærkontakt. Vi padla vidare austover, og fekk med oss fleire på kort hald. Sjølv om det ikkje tok heilt av for oss erfarne kvalpadlarar, så var det ei fin oppleving.    

 
Foto: Kristin


Spekkisar på kort og langt hald. 


Fin strand på austsida av lille Haukøya. 

Det vart padling rundt lille Haukøya og i lille Haukøysundet tilbake. Vi hadde ved i kajakken og trong ein skikkeleg beinstrekk. På stranda i bygda Meiland passa det bra. Her fekk vi selskap av ein skvetten sel som låg heilt inne i tangen. Vi kunne sjå ei og anna spekkhoggarfinne i sundet medan vi åt. 


Siste oppvarming før ny økt i kajakken! 

Kvalitetstid.

Dagane er korte i nord i november. Vi fekk med oss solnedgangen på kryssinga over til Hekksteinen. I tillegg tok vi med oss to daude måsar. Det hadde vore observert mykje daud måse veka før, og forskarar i Tromsø var interessert i fugl om nokon fann fleire. Vi er jo interesserte i kunnskap, og stilte opp i folkeforskninga si teneste, med kvart vårt lik på bakdekk.   

Ved Hekksteinen tok vi beinstrekk nummer tre. Det byrja å bli mørkt, og vi rigga oss med meir lys på kajakken og meir sjokolade i magen. Fordelen med å ha vore her før er at vi veit litt meir om avstandar, kvar vi kan gå i land og slike nyttige ting. 

Mørkepadling på heimveg (Måne og to padlarar på bilde)
 
Fullmånen hadde vore med oss heile dagen. Det var aldeles nydeleg å vere på sjøen, og å nytte heile den lyse delen av dagen utpå. 

Skjervøy by night (eller i alle fall ettermiddag). 
Det er nydeleg her. 

Vinterpadling. 31 kilometer, 3 beinstrekk. 
Og vi hadde sett kval!

Heime på basen venta ferdig kvalgryte, fyr i omnen og terningar. 
...og endå hadde vi 3 dagar med fri framom oss! 

tirsdag 29. oktober 2019

Alnes

26.07 Kjekk dagen derpå-økt på Alnes. Eg hadde ikkje med kamera, men Øystein hadde.... Store forhold på tuppen, fine bølgjer med veldig mange brettsurferar på stranda, og fin lita bølgje på innsida. Vart nokre fine kontrollerte surfar, og eit par litt mindre kontrollerte. Lite fart i surfen og sterkt sideveis drag i sjøen var utfordrande nok. Herleg økt!

Ups. Litt bakpå. Hakket før eg rulla, men det vart ein grei dunk før vi sklei forbi kvarandre. 
Foto: Øystein Pilskog/Kajakkguiden

søndag 27. oktober 2019

Båre og brott på Vigra

27.10 Vind og bølgjer frå nord betyr potensielt mykje gøy i området her. Søndagen stilna vinden, men det var framleis mykje drag i sjøen. Vintertid og snø i fjella. Vi starta med ei sjeldan fin surfeøkt på Blimsanden. Litt drilling på baklengssurf gjorde godt, det var lenge sidan sist! Deretter var det utforsking ved stakar og skjer. Sjølv om det var grått og vasskaldt var det greit å vere i aktivitet - så lenge pausane på land vart korte nok. Øystein hadde "djupdykk" som tema for dagen, og gjennomførte med stil. Brotta er fine på den måten at ein kan velje kor nær ein vil vere og kor mykje sjøsprøyt ein vil ha - så alle kan få tøye si eiga komfortsone.

Blankstille innom skjera, men godt drag i sjøen utanfor. Grått, men flott! 

Øystein køyrer på! Rockhopping er ikkje like lett å berekne, så her vart det skrammer, men heldigvis berre på utstyret. 

Favorittstaken? 

Bølgja ved sidan av staken er flott, men vanskeleg å treffe.

Hårfint for langt unna... (Foto: Øystein/Kajakkguiden)

Venting er ein del av gamet

Bildeserie av eit av Øystein sine djupdykk: 

1. Ser lovande ut! Her vert det surf!

2. Ups, kjem litt bakpå her

3. Ups... kvar vert det av kajakken no?

4. Skikkeleg UPS UPS! Kvar vart det av mannen? Vi gjer oss klare for redning...

5. Kva skimtar vi der?

6. Hammeren stig opp frå djupet. 

7. Våt, men glad. Spytta ut like heil og rett veg. Kven skulle trudd det! 

Roger testar ny leikeplass.
Borti her har vi nesten ikkje vore før - men det var fine skjer og ei veldig artig spretten lita bølgje! Det vart etterkvart nye djupdykk. 

Transportstrekka vart totalt 6 km - og sikkert like lang padling att og fram i surf og brott.