Bølgeleik på Vigra

19.01. Vind og regn, regn og vind. 2020 starta grått, og padleabstinensane hadde bygd seg opp i vekesvis. Skiføret er heller ikkje noko å skryte av for tida. Då det endeleg vart eit lite vervindauge på ein søndag var  vi klare for leik og moro til sjøs.

I Mallavika slo bølgene store inn mot stranda og det var ikkje lange padleturen før vi fann gode forhold for leik og moro. Eg kjente meg litt rusten, og var kanskje ikkje så offensiv, men det vart uansett nokre fine surfar, ei rulle som satt og flotte bilde!

Vårleg og fint! 

MYKJE vatn i sving

 

neste surfbart på spot nummer ein

Heilt surfbart på spot nummer 2

 

Innhenta av skum..

 

Ups! Kva skjer? Øystein avsluttar surfen med baklengs piruett

Svusj...

...svusj...

....splæsj!!!

Det gjeld å vite når ein skal halde att litt og. 

 

1, 2 3.... DYKK. 

Både Hammer'n og mannen kom opp til overflata att og avslutta med ein baklengs skru ut av brottet. 

   

Natt i naturen

17.01 Synnøve og eg gjorde avtalen allereie tidleg i desember. Neste år blir det minst ei overnatting ute - kvar månad! 2020 kom, med store dosar regn og stiv kuling. Så då er det "timing" som gjeld. Fredagen hadde vi eit lite vervindauge, og gjekk ut med hengekøyene i nærområdet. På Aksla, med utsikt over byen, fann vi fine tre.

Første natt i naturen gjennomført. No er vi i gong! Ekstra poeng for å nytte nærområdet, og gå til og frå denne gongen!

Læring:
Tarp og vind er ei utfordring
Exped underlag mot kvist vert fort lange flenger, og då fer duna ut fort! Provisorisk løysing med sekkar som underlag gjekk betre enn frykta.
Timing is everything. Heime att til luksusfrukost nett då regnet kom.

Eg er og litt forundra på kor mykje lys vi har på om natta. Treng vi verkeleg det?

Link til alle "Natt i naturen"-turane våre i 2020