torsdag 10. januar 2013

Gamlemsveten (790 moh)

Januar. Kva gjer ein i januar for å få seg litt frisk luft? Rottar seg saman, tek med hovudlykta og finn seg eit turmål. Gamlemsveten har veg opp, og burde difor vere idiotsikker sjølv i mørket med hovudlykt.

Ved bilen var det +2, vindstille og stjerneklart. Det varte ikkje så lenge...

Skikkeleg triveleg oppover bakkane

Vi viste ikkje kvar på fjellet vi var og verda verka lita og relativt flat. Vind og snø gjorde at det var kaldt og dårlig sikt. Ising på vegen gjorde det heile ekstra spennande. Det var veldig kjekt å vere på tur med hund att og humøret var på topp.

Caro rimar ned

Utsikta var det heller dårleg med. Etter ei god stund så vart det likevel eit lys i horisonten.

¨
Månelandskap.
Brøytestikker, kjekke turdamer og hund i solnedgang (dvs utelampe..).

Toppen! Det var litt merkleg å stå på toppen under utelyset på eit bygg og vite at det er 80 meter antenne over deg, men du ser ikkje litt av den eingong.

På toppen! Så blide når det er SÅ SURT! Betre turfølgje får ein ikkje. 
Eg fekk ikkje vere med på bildet fordi kameraet bleste ned frå steinen....

På nedturen gav byga seg og vi fekk panoramautsikt mot Ålesund og øyane. Fyra på Alnes og Runde blinka så fint. No såg vi at det faktisk var ganske bratt det vi hadde gått opp. Proposjonane falt på plass att.

Prosjekt kveldstur gjennomført med stor suksess - slike vert det fleire av framover! Vi har lys og klede så ingen grunn til å sitte inne KVAR kveld.

4 kommentarer:

  1. Gamlemsveten er en veldig fin tur med den flottaste utsikta!! Ser så ekstremt masse derifra :) var der i sommer og he lyst oppatt en mild vintersdag også. Sjå vinterslyset utover havet.... sukk. Ser dokke kosa dokke til tross for været ;)

    Trude

    SvarSlett
  2. For freske tauser ( og hunder) er været aldri en hindring:)) Var sikkert ekstra spennende:))

    SvarSlett
  3. Imponert - for noen blide fjellgeiter været til tross. Herlig! :)

    SvarSlett