mandag 22. oktober 2012

Multifuelbrennar

Mogleg vintertelting gjev nye utfordringar. Stormkjøkken med gass har vore enkelt og effektivt. Då temperaturen nærma seg null på Selje var det ikkje lenger så effektivt. Eg har difor skaffa meg Trangia multifuelbrennar. Etter ein times brennstoffjakt på Moa så stod eg der med rensa bensin i handa, sjølv om det stod parafin på lappen.  

Testing heime. Bruksanvisning.

Eg er generelt skeptisk til brennbare, eksplosive væsker. Eg veit og kor triveleg det er å vere sliten, kald, kanskje til og med våt, heilt garantert svolten, i mørkret, kanskje med litt vind og regn i tillegg for SÅ å finne ut av korleis ting fungerar. Ting som MÅ fungere for at det i det heile skal verte middag.

Multifuelbrennaren m/flamme.

Førsteinntrykket var bra. Idiotsikkert, ingen lause delar, passa godt i stormkjøkkenet.

Ser tilforlaterleg ut...(ulv i fåreklær)

Men eg fekk ikkje fyr for det. Bruksanvisninga sa: pump 20 gonger, og opne ventilen for å få ut nok til forvaming. Det viste seg å vere tull. Pappa fekk (sjølvsagt) fyr med å pumpe hardt ca 150 gonger, og dæsje nedpå ein god skvett bensin til forvaming ( frå flaske, og ikkje gjennom slangen). Eg fekk og med nokre gode råd på vegen frå multifuelbrennarerfaringar a la Bardufoss i februar (forsvaret, 1970-talet).
Dagen etter forvarma eg med rødsprit og då vart det veldig greit fyr. Lærdom: Forvarming.

Brennaren bråka, men funka og det tok ca 5 minutt å fosskoke full kaffikjel med iskaldt vatn. Det kjentes uhorveleg lenge ut. 

Det kokar, det kokar!

Fordel: Passar perfekt i stormkjøkken, sjølve brennaren får plass i kaffikjelen. Fungerar i minusgrader. Enkel.

Ulempe: Bensin og rødsprit må vere med på tur. Bråk     

Dette innlegget vert oppdatert på sikt med:
- test av brennaren med gass
- vedlikehaldserfaringar

Eg har i alle fall plan B no om det vert minusgrader.

4 kommentarer:

  1. Det er nok greit med en plan B når det er minus, ja. Det hjelper jo lite med en stille gassbrenner som ikke får gjort noenting, så noen ganger må man bare finne seg i litt bråk. :)

    SvarSlett
  2. Trudde ikkje bensin måtte forvarmast- interessant. Med paraffin MÅ ein forvarme med raudsprit, og jau- det med bråkar, men då vert det på den andre sida deilig stille nåre ein skrur av igjen......

    SvarSlett
  3. Har hatt/erfart flere slags multifuelkokeapprater. Parafin og bensin har samme brennverdi. Anbefaler derfor å heller bruke et mange ganger billigere og ufarlig parafin til kr. 12/L, framfor farlige bensin (renset bensin) til kr.75/L. Ved slik varmer parafin egentlig mange ganger mer enn bensin og også lampeolje..:)) Selv liker jeg godt parafinlukta. Enkelte MFapp.oser intet eller lite ved parafinbruk, andre mere, - noen bråker mer enn andre, men kjenner ikke ditt. Være bare litt lengre oppvarming med parafin jf. bensin, men er (til eget) helt uproblematisk. Bli godt kjent og venn med, før tur !! Tips på:
    http://www.friluftsliv.no/files/image/pdf/000001.pdf
    Er av 2004, men fortsatt gyldig !!

    SvarSlett
  4. PS. Sign Sygnis sitt: at en med parafin må forvarme med raudsprit stemmer ikke. (Selvfølgelig skjer også forvarmingen med parafin).

    SvarSlett